Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

Hemi Kere (James Kelly)

Hemi Kere (James Kelly).

No tenei ra ka tu ake te Tiamana o te Komiti mo nga Mahi Kari Koura, ka tono kia whakaaetia kia whakatakotoria te ripoata mo te pitihana a Hemi Kere (James Kelly) ki runga ki te teepu o te Whare. He tono na taua tangata kia hoatu he penihana mana i ia tau, te take, e ai ki tana, nana i kite tuatahi te koura ki nga Motu o Niu Tireni i whiwhi ai nga iwi o tenei koroni i te ora.

He maha nga mema Paheha i tu ki te whai-korero mo tenei take. He whakahe ta etahi he tautoko ta etahi Ka taka ki waenganui te korero ka tu ko—

Tame Parata (mema mo nga Maori o Te Waipounamu). —I te tau 1885 ka kokirihia ki te Whare tetahi pitihana, penei ano me tenei e korerotia nei, na nga Maori o te takiwa o Arahura, a mehemea ka whakaarohia paitia e te Kawanatanga te inoi a te Pakeha nana tenei pitihana mo tana kitenga i te koura, kaati, me whakaaro ano koki te Kawanatanga ki nga Maori notemea ko ratou ke nga tangata tuatahi nana i kite tenei mea te koura i te takiwa o Mokihinui. I taua tau e korero nei ahau ko Te Ranaka te Minita o nga Maina, engari kaore i whakaarahia taua pitihana e te ripoata a te Komiti nana i whiriwhiri, a ki taku mohio ko tenei pitihana e korerotia nei he pitihana tawhito kua maha noa atu nga taenga mai ki konei, a mehemea e tika ana kia whakahoutia i naianei kia whakaarohia paitia hoki, kaati, ka tika ano pea hoki kia pera ano te aroha mo nga Maori kua tuku pitihana nei i mua ki tenei Whare mo ta ratou kitenga tuatahi i te koura ki Mokihinui.

Ka mutu nga whai-korero a nga mema Pakeha, ka tonoa kia whakaaetia te ripoata.

Waahi ana te Whare. Koia tenei e whai ake nei te rarangi o nga mema i pooti:—

I te Ae, 23.

Allen, E. G. Fisher Guinness
Carncross Flatman Hall
Carroll Gilfedder Hall-Jones
Duncan Graham Hanan
Lawry O'Meara Ward.
McGuire Pirani Nga kai-tatau.
McLachlan Smith, E. M. Colvin
Napier Stevens McKenzie, R.

I te No, 38.

Allen, J. Herries Palmer
Arnold Hornsby Parata
Atkinson Houston Russell, W. R.
Barclay Hutcheson Sidey
Bennet Lang Smith, G. J.
Bollard Laurenson Steward
Buddo Lethbridge Tanner
Collins Massey Thomson, J. W.
Fowlds McGowan Willis
Fraser, A. L. D. Mackenzie, T. Witheford.
Fraser, W. Meredith Nga Kai-tatau.
Hardy Mills Hogg
Haselden Monk Thompson, R.

Te putanga, 15.

Heoi hinga ana te motini, ara, kaore i whakaaetia te ripoata kia takoto ki runga ki te teepu o te Whare.

Te mutunga iho whakahokia ana taua ripoata kia whiriwhiri a ano e te Komiti mo nga Mahi Kari Koura.