Pitihana A Hinerapa Te Kuru (Nama 28).

Ripoata a te Komiti mo nga Mea Maori o te Kaunihera mo runga mo te pitihana a Hinerapa te Kuru (Nama 28):—

"Mo runga mo te pitihana a Hinerapa te Kuru, o Porangahau, e penei ana te whakatau a te Komiti, ara:—

"E ki ana te kai-pitihana kua pa he mate ki a ia me etahi atu i runga i nga tikanga o te wira a Rawinia Tukeke, a e inoi mai ana kia whakaputaina atu he ora ki a ratou.

"Kua kitea i roto i te pukapuka Nama 10 o roto o nga Pukapuka o nga Mahinga o te Paremete ko taua wira kua whakataua tona tika e te Hupirimi Kooti

"No reira kua kore he kupu tohutohu atu ma te Komiti.

"H. Wiremu, Tiamana."

Pitihana A Teone Tikao Wira.

Ripoata a te Komiti mo nga Mea Maori o te Kaunihera mo runga mo te pitihana a Teona Tikao Wira me etahi atu (Nama 27):—

"Mo runga mo te pitihana a Teone Tikao Wira me etahi atu, e penei ana te whakatau a te Komiti, ara:—

"E inoi ana nga kai-pitihana kia whakamanaia te Kooti Whenua Maori kia whakatau kia roherohe i nga paanga o nga tangata whaitake katoa o roto o Waioteruaati Pa Rahui i Kaiapoi.

"Kua ata whiriwhiria e te Komiti taua pitihana a e mahara ana ratou ko te huarahi tika ma nga kai-pitihana me tuku tono atu ki te Kawana i roto i tona Kaunihera kia whakaputaina e ia he mana pera. A notemea hoki e ki ana mai te pitihana kua tukuna he tono pera, kati, kua kore he kupu tohutohu atu ma te Komiti.

"H. Wiremu, Tiamana."