Nga Korero Paremete: 1901
Te Whai-Korero a Te Kawana
Te Whai-Korero a Te Kawana.
Ka tae mai te kupu a te Kawana, he karanga i nga mema kia haere ki te Kaunihera.
Haere ana te Pika ratou ko nga mema honore, me te haere ano o te Haihana o te Whare i mua i a ratou, kaore i roa atu ki te Runanga Kaunihera ka hoki mai.
Katahi ka tahuri te Whare ki te whakahaere i etahi Pire.
Te Pika (Mr. Speaker).—I haere tatou nga mema o tenei Whare ki te Whare o te Kaunihera, i runga i te tono a te Kawana, a i pai te Kawana ki te whaikorero ki nga Whare e rua o te Runanga Nui, a kia tino marama ai ta tatou hurihuri i nga korero a te Kawana mauria page 27mai ana e au he tauira o ana kupu i whakapuaki ai, a i runga i nga tikanga o te Whare nei, tenei ka whakatakotoria e au taua tauira ki runga ki te teepu o te Whare.
Katahi ka whakahaerea ko etahi mahi a tae noa ki te hikinga o te Whare i te rima meneti ki te ono i te ahiahi.