No te hawhe-paahi i te rua karaka ka noho te Tepute - Pika ki runga ki tona nohoanga.

Ka karakia te Whare.

Whenua Rahui Mo Ngatikuia.

Tame Parata (mema Maori mo Te Waipounamu).—Ka patai ahau ki te Minita o nga Whenua, Mehemea kua oti ranei nga motu ririki e rua, kei waenganui o Rangitoto me te tuawhenua e tu ana te wehe atu hei rahui mo nga Maori o Ngati-Kuia hapu, hei whenua mahinga ika mahinga tiitii, hei whakarite i te kupu whakaae a te Tari o nga Whenua kia peratia aua moutere? Ko te take o tenei patai he pitihana i tukua mai ki te Whare Ngati-Kuia me era atu iwi Maori o tera takiwa o Te Waipounamu mo runga i taua mea. Kei roto i taua pitihana e whakaatu ana he hiinga ika, he mahinga page 63karaka, he mahinga tiitii, aua moutere na aua Maori o namata mai ra ano, no reira e tono ana ratou kia rahuitia mo nga Maori aua motu e te Karauna. I muri nei ka tukuna atu taua take ki te Hekeretari mo nga Whenua o te Karauna, puta ana tana kupu, ae, e whakaaro ana te Kawanatanga kia rahuitia aua motu mo nga Maori, koia ahau ka tono atu nei kia whakaaturia mai mo a hea ka whakamanaia e te Kawanatanga taua kupu whakaae.

Te Takana (Mr. Duncan, Minita mo nga Whenua).—Ko te kupu whakahoki mai a te Hekeretari o nga Whenua e penei ana, ae, i puta he kupu whakaae kia puritia aua moutere mo nga Maori o Ngati-Kuia. Engari ko era atu tangata o taua takiwa o te koroni e hiahia ana kia rahuitia aua motu mo nga taru Maori, me nga manu Maori, me ana mea ataahua, kaua hei riro anake i nga Maori, notemea ki ta ratou mahara tera pea e whakangaromia e nga Maori nga mea pai o aua wahi ataahua.

Tama Parata.—Kaore rawa nga Maori i te hiahia ki te whakakino i nga mea whakaataahua i aua moutere mehemea ka wehea mo ratou aua whenua. Heoi ano ta nga Maori e mea ana kia mana ratou ki te haere ki reira ki te mahi ika, ki te mahi tiitii, me era tu ahua mahi.

Te Takana (Mr. Duncan).—Heoi te wehi o te Tari nei, kei tahuna nga ngaherehere e nga Maori ki te ahi, me era atu mahi whakakino, engari e hara i te mea e hiahia ana ratou ki te atete atu i nga Maori kia kaua rawa e tae ki reira. Ka whai mana noa atu nga Maori ki te haere ki aua moutere, pera ano me nga Pakeha.

Tame Parata.—Ka kahititia ranei e te Kawanatanga he kupu whakaatu i te whakamananga o nga Maori kia haere ki reira.

Te Takana (Mr. Duncan).—Ae, e pai ana kia penatia.