Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1901

Turei, te 8 o Oketopa, 1901. — Waihora

Turei, te 8 o Oketopa, 1901.
Waihora.

H. K. Taiaroa.—He patai atu tenei naku ki te Minita mo nga Kura, Mehemea he tika ka whakamimititia te wai o te roto o Waihora ma waenganui o te rahui mahinga ika a nga Maori; a mehemea he tika, ka pewheatia e te Kawanatanga te whakarite huarahi e taea ai te tiaki pad nga mana o nga Maori i whakahuatia ra i roto i te tiiti hoko o Ngaitahu? Kua rongo ahau kei te whakahaerea te mahi whakamimiti i te wai o taua roto o Waihora, a. tera e pangia kinotia te mahinga ika a nga Maori, ara nga pa tuna i te wahi e puta atu ai ki te moana nga wai o taua roto. Ko aua tu mahinga ika i rahuitia ki nga Maori i raro i uga tikanga o te tiiti hoko o Ngaitahu. Ki taku mohio me ka tukuna atu te wai ma roto i te paipa korere wai ka ngaro tonu atu te mahinga ika a nga Maori, koira hoki to ratou oranga i enei tau maha kua hori ake nei, a e whakaaro ana ahau ma te hunga e mahi ana i aua paipa e whakarite atu he oranga mo nga Maori mo nga wa o muri ake nei. Ko taua wahi e whakahuatia atu nei e au, ko ta ratou wahi mahinga tuna tena i nga wa e heke atu ai te tuna ki te moana, a e mahia tonutia ana i nga tau katoa, mai ano o te wa i noho tuatahi atu ai a Ngaitahu ki taua wahi, tae mai ki tenei wa.

Te Waaka.—Ko nga kupu whakamarama mai ki au mo taua mahi, e mea ana kei te whakahaerea etahi mahi e te Kauti Kaunihera o Herewini, kua whakamana hoki ratou e te ture kia ahei ai ki te mahi i taua roto. E kere au e kaha ki te ki atu mehemea ranei e mahara ana nga apiha a te Kawanatanga tera e pangia atu e taua mahi nga mahinga ika a nga Maori. Engari ki taku rongo e kiia ana tera pea e kore nga ika e puta ake i nga wa e haere ake ai ki te whanau; engari hoki e kiia ana kua nui rawa te tupu o te taru ki te roto, a e kore ano nga ika e puta atu ki te moana inaiauei. Otira maku e tono atu ki nga apiha a te Kawanatanga kia ata whiriwhiria aua take kia tuku ripoata mai hoki. Me tuku atu e au i te tuatahi ki te Minita mo nga mea Maori, me taku tono atu kia ata whiriwhiria tenei take nui e pa atu nei ki nga Maori, kia ata whakaarotia paitia nga take o nga Maori, kia ata tiakina paitia hoki o ratou take.