Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1901

Taite, te 26 o Hepetema, 1901. — Panuitanga Takiwa Maori o Te Waipounamu

Taite, te 26 o Hepetema, 1901.
Panuitanga Takiwa Maori o Te Waipounamu.

H. K. Taiaroa—Ko taku motini tenei, ara: "Ki te mahara o tenei Kaunihera, he mea tika kia panuitia e te Kawana etahi takiwa i te Waipounamu hei takiwa Maori mo runga mo nga tikanga o 'Te Ture Kaunihera Maori, 1900.'" Kua kite au i nga panui i roto i te Kahiti e whakatu ana i etahi takiwa o Aotearoa hei takiwa Maori i runga i nga tikanga o "Te Ture Kaunihera Maori, 1900," a e mea ana au he mea pai ano kia panuitia hoki he takiwa pera i te Waipounamu. E whakaae tahi ana ahau me nga Maori o te Waipounamu he mea pai mo ratou me ka panuitia he takiwa pera mo ratou, kia ahei ai ratou ki te whakahaere mahi i page 10raro i nga tikanga o taua Ture. E kore au e torero roa atu, kaore hoki he tikanga kia korero roa atu au. Kati ra, me motini atu au i te motini e mau nei i toku ingoa, me taku ki atu ko taku hiahia tenei kia kahititia tetahi takiwa etahi takiwa ranei i raro i nga tikanga o te Ture i whakamana ra i tera tau.

Te Waaka—E whakanui atu ana ahau ki te honore mema mo tana tukunga mai i tenei motini e puta ai he painga ki te koroni, e puta ai hoki he oranga mo tona iwi Kaore i puta mai he take e tika ai kia mahia hohorotia te panuitanga o nga takiwa me te whakatuunga Kaunihera; engari e tika ana ano kia panuitia aua takiwa, kia ahei ai nga Maori ki te whakahaere tikanga mo ratou, ara te whakatakoto huarahi e taea ai te mahi pai i o ratou kainga kia ora ai nga tangala kia pai ai hoki te noho. Me ki atu au ki te honore mema, ka tahuri tonu mai taku hoa te Minita mo te taha Maori ki te whiriwhiri i aua take, me te whakahaere tikanga, notemea hoki e whakapai atu ana ia ki nga Maori mo to ratou kaha ki te tautoko i aua mahi ina tonoa atu kia whakahoahoa mai—me ki atu hoki au ki taku hoa mema honore e tino koa ana te Minita mo te taha Maori i te mea e whakaaro nui ana a Taiaroa ki te rapu oranga mo tona iwi Maori.

H. K. Taiaroa.—Heoi ano taku he mihi atu ki te Minita he whakapai atu ki a ia mo te ahuareka o ana korero mo taku motini nei.