Nga Korero Paremete: 1901
Turei, te 5 o Nowema, 1901
Turei, te 5 o Nowema, 1901.
Pitihana A Rewi Maaka.
Te ripoata a te Komiti mo nga mea Maori mo runga mo te pitihana a Rewi Maaka (Nama 117).
"Mo runga mo te pitihana a Rewi Maaka, o Porirua, inoi mai kia utua atu te toenga o nga moni utu i whakaritea kia utua atu mo te whenua e huaina ana ko Karioi, e tata ana ki Raglan. E penei ana te whakatau a te Komiti, ara:—
"Kua ata whiriwhiria e ratou taua pitihana, a kua rongo hoki i nga whaikorero mo runga mo taua pitihana: a kaore he kupu tohutohu atu ma te Komiti.
"H. Wiremu, Tiamana."
Pitihana a Hohaia Te Hoata Me Etahi Atu.
Te ripoata a te Komiti mo nga mea Maori mo runga mo te pitihana a Hohaia te Hoata me etahi atu (Nama 122).
"Mo runga mo te pitihana a Hohaia te Hoata me etahi atu, inoi mai kia ara he whakawa tuarua mo to ratou kereme ki page 23tetahi poraka whenua e huaina ana ko Wharerangi. E penei ana te whakatau a te Komiti, ara:—
"Kua ata whiriwhiria e ratou taua pitihana, a kua rongo hoki ki nga whaikorero mo runga mo taua pitihana: a e whaikupu atu ana ratou kia tukuna atu taua pitihana ki te Kawanatanga kia ata whiriwhiria kia ata uiuia nga putake o taua pitihana.
"H. Wiremu, Tiamana."