Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1900

Taite, te 13 o Hepetema, 1900

Taite, te 13 o Hepetema, 1900.

No te hawhe-paahi i te rua karaka ka noho te Tumuaki ki runga ki tona nohoanga.

Ka karakia te Whare.

Ka whakahaerea te panuitanga tuatahi o etahi Pire, ka oti era ka tae ki nga patai.

Taone Maori i Waipiro.

Wi Pere (mema Maori mo te Tai Rawhiti).—Ka patai ahau ki te Minita o nga Whenua, He aha te take o te roa o te ruri me te tapatapatahi o te Taone Maori i Waipiro, notemea kua puta te kupu ki nga Pakeha me nga Maori ka tere tonu te ruri me te tapatapatahi o taua taone? Te take i uia ai e au tenei patai he auau tonu no te tono a nga Pakeha me nga Maori kia tere te whakaoti o taua mea.

Te Takana (Mr. Duncan, Minita o nga Whenua).—Ko te utu mo te patai e penei ana, kaore ano te Taone Maori o Waipiro i panuitia i raro i tekiona 3 o "Te Ture Taone Maori, 1895." Kua oti i taua Ture te whakatakoto me roa te wa e panuitia ai te taone, a ko tetahi kei te riihi taua whenua ki a Mr. J. N. Williams (Hemi N. Williams), a e mea ana taua Pakeha kia whakawhitingia tana riihi ki tetahi atu wahi. Otira kei te whakahaerea taua mea, a tenei au e tumanako nei kaore e roa rawa kua oti pai.

Haere tonu nga mahi a te Whare a po noa.

No te tekau meneti te paahitanga o te rua karaka i te po ka hiki te Whare.