Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1900

Taite, te 30 o Akuhata, 1900

Taite, te 30 o Akuhata, 1900.

No te hawhe-paahi i te rua karaka ka noho te Tumuaki ki runga ki tona nohoanga.

Ka karakia te Whare.

Ka whakahaerea te panuitanga tuatahi o tetahi Pire. Ka mutu tera ka tae ki nga ripoata a nga Komiti Whiriwhiri.

Mahi Hokohoko Waipiro i Roto i te Rohepotae.

Te Auhana (Mr. Houston, mema mo Peiwhairangi).—Ka haria atu e au te ripoata a te Komiti mo nga Mea Maori mo te pitihana a Whaaro Kaitangata me etahi atu tangata e 401, e inoi ana kia whakatuwheratia, ara, kia whakaaetia, te hokohoko waipiro ki roto ki te takiwa o te Rohepotae. Ko te ripoata a te Komiti i penei, e pa ana te pitihana ki nga tikanga whakahaere a te Kawanatanga, na reira kaore kau a te Komiti kupu mo runga i taua pitihana. Ka motini ahau i naianei. Me whakatakoto te ripoata ki runga ki te teepu o te Whare.

Hone Heke (mema Maori mo te Tai Tokerau).—Ka motini ahau, Me panui e te Karaka te ripoata kia rongo atu te Whare.

Whakaaetia ana te motini, a panuitia ana te ripoata e te Karaka.

Hone Heke.—Ka motini ahau i naianei, Me whakahoki te ripoata ki te Komiti mo nga Mea Maori kia whiriwhiria. Te take i penei ai ahau he kitekite tonu no tatou i nga korero maha e perehitia ana ki roto ki nga nupepa, e mea ana me whakaae ranei, kaua ranei e whakaaetia, etahi raihana hokohoko waipiro ki roto ki te takiwa o te Rohepotae. Ki taku whakaaro me whakaae etahi raihana hokohoko waipiro mo reira. He roa te korero a Hone Heke.

Ka mutu a Heke ka tu ake ko etahi page 23mema Pakeha ki te korero. He tautoko ta etahi i ta Heke he turaki ta etahi. Ka tata te mutu o te korero ka tu ake ko—

Te Arena (Mr. J. Allen, mema mo Bruce).—E te Pika, ka motini ahau kia nukuhia tenei korero mo tetahi atu ra whakamutu ai. Kaore au i te kite i te painga e puta ki te korerotia tonutia tenei putake i tenei ra. He moumou kau i te taima o te Whare. Kaore au i te kite i te painga e puta ki te paahitia te menemana kua motinitia nei e te honore mema mo te Takiwa o te Tai Tokerau, koia tenei te take i penei ai au: ki te whakahokia e tatou te ripoata ki te Komiti, kaore kau e kitea e ratou he ripoata ke atu i te mea kua oti nei i a ratou te mahi. Ki taku mohio ka whakaae nga mema katoa ki te tika o enei korero aku. Hei kupu whakamutunga maku, i motini ai au kia nukuhia tenei korero, kaore e kore te ara ano o tenei putake, hei korero ano ma tatou, i enei ra e takoto ake nei, i mua o te mutunga o tenei tuunga o te Paremete, a hei reira ka whai taima nga mema katoa e hiahia ana ki te whai-korero mo tenei putake ki te whakaputa i o ratou whakaaro. He moumou kau te korero i naianei. Na reira i motini ai ahau kia nukuhia te korerotanga o tenei mea ki tetahi atu ra.

Ka mutu ta tera ka korero ko etahi atu mema.

Katahi ka pooti te Whare, ara, "Kia nukuhia te korere mo tetahi atu ra."

I te Ae, 31.
Arnold Hutcheson, J . Rhodes
Atkinson Laurenson Russell, G. W.
Bennet Lethbridge Russell, W. R.
Bollard Lewis Steward
Carncross Massey Tanner
Collins McGuire Thomson, J. W.
Flatman McKenzie, R. Willis.
Hanan McLachlan
Hardy McNab Kai-tatau.
Herries Millar Allen, J.
Houston Parata Ell.
I te No, 30.
Allen, E. G. Hall-Jones Palmer
Barclay Heke Pirani
Buddo Hornsby Seddon
Carroll Lawry Smith
Duncan McGowan Symes
Field Mackenzie, T. Thompson, R.
Fisher Mills Ward.
Fowlds Monk Kai-tatau.
Fraser, A. L. D. Morrison Lang
Graham Napier Meredith.
Hall

Te putanga, 1.

Heoi nukuhia ana te korerotanga o te motini a Hone Heke.

Haere tonu te mahi a te Whare i etahi Pire me etahi atu mea.

No te koata ki te toru karaka i te po ka hiki te Whare.