Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1900

Taite, te 21o Hune, 1900

page 9

Taite, te 21o Hune, 1900.

No te hawhe-paahi i te rua karaka ka huihui te Whare.

Ka tae mai te karere o te Whare Kaunihera ki te karanga kia haere atu nga mema Honore o te Whare o Raro ki reira kia rongo i te panuitanga o te pukapuka whakatuwhera a te Kawana i te Paremete.

Heoi haere ana nga mema o te Whare o Raro me to ratou Karaka ki te Whare o te Kaunihera; a ka mutu te panui o te pukapuka whakatuwhera i te Paremete, ka whakahaua te Whare o Raro e nga Komihana kia hoki ki to ratou nei Whare ki te whakatu i tetahi Tumuaki mo ratou, a kia mutu i a ratou te whakatu me arahi atu e ratou ki te Whare o te Kawana apopo, i te Paraire, kia whakaaetia e te Kawana.

Katahi ka hoki nga mema ki to ratou Whare.

Te taenga ki reira ka hoatu e te Karaka o nga Riti ki a Harry Otterson, Esquire, Karaka o te Whare, te rarangi o nga ingoa o nga mema i pootitia hei mema mo te Paremete hou.

Te Hetana (Bight Hon. Mr. Seddon, Pirimia). Ka tono atu abau ki te Whare kia whakaroaina atu mo te wiki kotahi e ngaro ana a Henare Kaibau i to Whare nei. Kua tae mai te kupu a Mahuta ki au, ara, a te rangat ira o nga iwi o Wai-kato, whakaatu mai kei te huihui nga Maori o reira i naianei ki te korero mo etahi take tera e takoto ki te aroaro o te Paremete, a me tana tono mai kia moti-nitia e au etahi ra mo Kaibau, i te mea ko nga malii e whakahaerea nei e Kaihau e pa ana ki te iwi katoa

Ka mutu tera, ka tahuri a Harry Otterson, Esquire, Karaka o te Whare, te Komihana i whakaturia mo taua mahi, ki te whakaoati i nga mema, ka mutu te pera ka haina nga mema i o ratou ingoa [gap — reason: damage] mo Waitaki).—Ka tu ake au ki te motini kia whakaturia ko Sir George Maurice O'Rorke hei Tumuaki mo to tatou Whare. Te take i tu ai au ki te pera ko au tetahi mema tino tawhito o te Whare. (He roa ana korero whakapai mo te tangata i motinitia ra e ia, ka mutu.)

Te Tamihana (Mr. J. W. Thomson, mema mo Clutha).—Ka tu ake ki te tautoko i ta Meiha Tuati. He roa tana whai-korero.

Heoi whakaturia ana e te Whare ko Sir George Maurice O'Rorke hei Tumuaki mo ratou.

Katahi ka tu ake taua tangata ki te whakawhetai ki te Whare mo tona whakatuunga e ratou hei Tumuaki.

Ka mutu tera ka arahina atu taua tangata e nga mema tokorua, nana ia i motini hei Tumuaki, ki tona nohoanga.

Ka tu te Pirimia ki te whai-korero mo tona koa, tae atu ki nga mema katoa o te Whare, mo te tuunga ano o Sir George Maurice O'Rorke hei Tumuaki mo ratou. He roa tana korero. Ka mutu ta tera ka tu ko Kapene Rahera. He pera ano tana me ta te Pirimia.

page 10

Heoi hiki ana te Whare i te rua tekau meneti ki te wha karaka i te ahiahi.