Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1900

Wenerei, 10 o Oketopa, 1900. — Pitihana a Te Riihi (W. L. Rees), Nama 11

Wenerei, 10 o Oketopa, 1900.
Pitihana a Te Riihi (W. L. Rees), Nama 11.

Ripoata a te Komiti mo nga Mea Maori mo runga mo te pitihana, a a Te Riihi:—

"I tukuna atu ki te Komiti mo nga Mea Maori te pitihhana a Te Riihi, he inoi nana ki te Kaunihera kia mahia atu he Pire hei whakatuwhera i etahi whenua i te takiwa o (Poverty Bay) Turanga, kia nohonohoia tikatia aua whenua, kia pumau ai hoki nga take o aua whenua ki nga Maori no ratou aua wahi. A e penei ana te whakatau a te Komiti, ara:—

"I te mea kua rongo atu te Komiti ki nga whaikorero a Te Riihi mo runga mo nga putake o roto o tana pitihana, a tukuna atu ana te whakarapopototanga o aua korero ki te Kawanatanga, me te tono atu hoki kia whakaaturia mai mehemea ranei ka tukuna mai e te Kawanatanga he Pire i tenei huihuinga o te Paremete mo runga mo nga putake e whakahuatia ana i roto i taua pitihana. Utua mai ana e te Kawanatanga, kaore, e kore e mahia he Pire i tenei huihuinga o te Paremete. No reira ka mahara te Komiti e kore ano e taea te whakahaere he tikanga i naianei hei whiriwhiri i aua take hei whakarite huarahi ranei, i te mea hoki kua tata te mutu o te Paremete.

"H. Wiremu, Tiamana."