.gif)
Ripoata mo te Pire whakanohonoho ki te Tangata Whakahaere hoki i nga Whenua Maori, 1898
Appendix E. — Whakatikatika a Ngaitahu, Te Takapau, Hawke's Bay. — He Mea Perehi Na Te Puke Ki Hikurangi
Appendix E.
Whakatikatika a Ngaitahu, Te Takapau, Hawke's Bay.
He Mea Perehi Na Te Puke Ki Hikurangi.
Takapau, 10 Mei, 1898.
Ko te whakaupoko tenei, mo te Ripoata o te Pire.
E rua nga rarangi hou, kua whakaurua, hei whakamarama mo te Pire.
| (1.) | Me riihi anake nga whenua o nga Maori. |
| (2.) | Me rahui tuturu nga toenga whenua o nga Maori e mau nei ki a ratou, a te mutunga ra ano o te ao. |
Hei tohu mo te roanga o nga ra o te Kuini Wikitoria e noho ana i runga i te Torona o ona Tipnna, hei tohu ano hoki mo te 57 tanga o ona tau e Kuini ana mo matou mo tona iwi Maori.
| 1. | Mo te rarangi tuatahi me waiho tonu i runga i te tikanga o taua rarangi ano, e ki nei me roherohe a takiwa te koroni nei, ko ta matou nei kupu, me paahi rawa te rahui, kia tapu rawa. |
| 2. | Mo tenei rarangi, kia 3 Pakeha, kia 4 Maori, hei mema mo te Poari kotahi, o ia takiwa, o ia takiwa. |
| 3. | E whakaae ana matau mo te utu, kaua ma te Paremete anake e whakarite he utu, engari me whakaae nga hapu no ratou te whenua. |
| 4. | E pai ana tenei ko te Komihana hei Tiamana whakatau anake ia, ki te ngaro ia me whakatau e ia ko tetahi o nga Maori hei Teputi Tiamana. |
| 5. | Kua paahitia rarangi 6, kua paahitia 7, kua paahitia, ano te rarangi 8, me te 9, me te 10, e whakaae ana matou mo enei rarangi. |
| 6. | Mo te rarangi 11, me waiho tonu i runga i tona ahau o tana rarangi ano, engari ko te riana, me era atu taunaha, kaore matou e pirangi atu ki ena take o te Pire. |
| 7. | Mo te rarangi 12.—Kua paahitia. |
| 8. | Mo te rarangi 13.—Kua paahitia me whakaoti i te hoko ki te whakaoti e rite ana. |
| 9. | Mo te rarangi 14.—Ma te Poari e whakaoti te wehenga i tetahi wahi o te poraka. |
| 10. | Mo te rarangi 15.—Kua paahitia. |
| 11. | Mo te rarangi 16.—Me rite tonu te whai mana o te Poari me nga tangata no ratou te whenua ki te whakariterite i tenei take. |
| 12. | Mo te rarangi 17.—Kua paahitia ki tona tikanga o te rarangi. |
| 13. | Mo te rarangi 18.—Ka whai mana te iwi rite tahi ki te Poari mo te whakariterite i tenei rarangi. |
| 14. | Mo te rarangi 19.—Kua paahitia ki te ahua ano o tenei rarangi. |
| 15. | Mo te rarangi 20.—E 3 rarangi ka waiho tonu i runga i te ahua o te Fire, ko te kupu 5, ka whakakorea atu. |
| 16. | Mo te rarangi 21.—Ko te kupu wira ki te tangata, ka kapea atu ki waho, engan te wira ki nga uri tata, ki ana tamariki ake. |
| 17. | Mo te rarangi 22.—Kua paahitia, ki te ahua ano o taua rarangi o te Pire. |
| 18. | Mo te rarangi 23.—Kua paahitia, ki te ahua ano o te Pire. |
| 19. | Mo te rarangi 24.—Kua paahitia, ki te ahua ano o te Pire. |
| 20. | Mo te rarangi 25.—Kua paahitia, ki te ahua ano o te Pire. |
| 21. | Mo te rarangi 26.—Ko ta matou kupu mo tenei take, ka whai mana tahi te Poari me te hapu ki te whakahaere tikanga mo tenei take. |
| 22. | Mo te rarangi 27.—Ka ahei te Kawana i roto i tona Kaunihera ki te hanga i nga huarahi whakahaere e tau ana hei whakatutuki i nga tikanga o tenei Ture, ko ta matou kupu mo tenei, kia whakaae te Kotahitanga kia ana huarahi whakatutuki, ka tau ai ki runga ki nga whenua o nga Maori, o nga Motu e rua nei o Aotearoa, me Te Waipounamu. |
Ka tuhia o matau ingoa ki raro nei.
Tangoru Tuhua,
Te Tiamana o te Takapau, me nga Komiti, tae mai ki Tamaki.