Pire Whakanohonoho ki te Tangata Whakahaere hoki i nga Whenua Maori.

I tukuna mai e te Whare tenei Pire ki te Komiti mo nga Mea Maori, a kua whakahaua ahau kia ki penei: Kua tuhituhia katoa e te Komiti nga korero a nga Maori i tukuna mai nei e nga iwi Maori katoa o te Koroni hei whakaatu mai i o ratou whakaaro mo te Pire me nga tikanga o roto, engari, mutu rawa ake taua mahi roa, kitea ana e kore te Pire e taea te ata whiriwhiri i te mea kua tata tonu te mutu o tenei tuunga o te Paremete; na reira ki te whakaaro o te Komiti me nuku te Pire mo te huihuinga o te Paremete e haere ake nei, engari i mua mai o taua huihuinga me perehi katoa aua korero a nga Maori i korero ai mo te Pire.