Ko Te Kauwhau A Pihopa Herewini Ki Te Hui I Peria, Oketopa 26, 1862.

"Na, ano te pai, ano te ahuareka, o te nohoanga o nga tema o nga tuakana i runga i te whakaaro tahi." Waiata 133, 1.

I te kimi ahau i roto i te Karaipiture, e pai ranei te Atua ki te wehewehe. Kimihia noatia ake, i te timatanga taea noatia te mutunga, na, heoi ano taku o kite ai, e pai ana te Atua ki te whakakotaki. Na Hatana te wehewehe, na te Karaiti te whakakotahi, koia hoki a te Karaiti i haere mai ai ki tenei ao, hei Hepara pai, hei huihui i nga hipi katoa kua whakamararatia, kia meinga ai hei kahui kotahi. Tera ke te mahi a Hatana, he whakamarara i nga hipi. Hoani 10, 12. (Kua kitea e koutou tenei tikanga. Kua korerotia e koutou tenei tikanga. Kua korerotia nuitia e koutou tenei waiata,—"Ano te pai, ano te ahuareka o te nohoanga o nga teina o nga tuakana i runga i te whakaaro tahi."

page 7

Na te rerenga mai o nga tangata o ia iwi, o ia iwi, Waikato, Hauraki, Ngatihaua, Ngaiterangi, Ngatiwhakaue, Wakatohea, Ngatiporou, Ngatikahunguuu, ki tenei Hui i runga i te whakaaro tahi. Ano te pai, ano te ahuareka, o tenei tu noho, o te noho tahi.

Kotahi te mea i hapa. Na, ko te pakeha hei noho tahi. Kahore ano kia ata rite te kupu a to tatau waiate. Te tuakana kua tae mai, te Teina kua noho atu. Me noho tahi te teina raua ko te tuakana.

Ko wai te Tuakana? na, ko koutou ko nga Tamariki a Hema. Kowai te Teina, na ko matou, ko nga tamariki a Tapeta. Me noho ke ranei matou? me noho tahi ranei? tena koa, hurihia mariretia taku patai.

Ehara tenei i te pokanoa, i haere mai ai te pakeha ki tenei whenua. Engari he kawenga na te Atua. Nga Minita Pakeha. Na te knpu whakamutunga a te Karaiti, a te Tamaiti a te Atua,— "Haere koutou ki te ao katoa, kawhautia te rongo pai ki nga tangata katoa."—(Maka 16, 15.)

Tenei ano te kupu a te Atua, mo matou katoa, mo nga Tamariki a Tapeta.

"Ka meinga a Tapeta e te Atua kia tohatoha noa atu, ka noho ano hoki ia ki nga teneti o Hema."— (Kenehi 9, 27.)

Ko te tino tikanga tenei o to tatou waiata; kaua ra taua e whakatete ki a taua, he teina he tuakana nei hoki taua. (Kenehi 13, 8.) Engari, kia pai, kia ahuareka, te noho o nga teina o nga tuakana i runga i te whakaaro tahi.

Kua rongo koutou ki ta te Atua i pai ai. Tenei ke to mahi a Hatana, me waiho a Iharaira hei whakatupato mo tatou.

He tangata mohio rawa a Horomona, Tama a Rawiri. Koroheke ka koroheke, parori ke tona ngakau, whaia te karakia whakapakoko. Koia te Atua i mea ai, kia wahia tona kingitanga kia rua. He whakaaro ki a Rawiri, ki tona papa, i roa ai te wehewehenga. No Rehopoama, no tana tamaiti, ka tahi ka tino wehea. Kotahi tekau nga iwi ki te kingitanga o Iharaira. Erua ki te kingitanga o Huria. Te take, he pakeke no Rehopoama. He taitamariki hikaka tena, kikai i rongo ki nga matua. Ko taku mohiotanga tenei, ko te tino tupuna o te kino, ko te pakeke. Korero mai, korero atu, ngawari mai, ka kore te pakanga. Whaktika ake, ko Heropoama. Na te Atua- ia i tu pai ai, nana ano ia i tu kino ai. Me i pai ia ki te whakakotahi, kua tu pai. I tu kino ai ia, he wehewehe hoki. Kahore ia i pai kia haere ana tangata ki Hiruharama karakia ai. Wahia e ia temepara, kia rua, te karakia kia rua, te ture kia rua. Peratia te mahi me ta Horomona, he karakia whakapakoko. Hanga e ia nga kuao kau erua tahi, hei rite ki te karakia o Ihipa. Tupu ake, tupu ake, he kingi kino. he kingi kino, mo Iharaira, taea noatia te ra, i riro herehere ai nga iwi kotahi te kau, a, ngaro noa.

Koia i whakaukia ai tona ingoa:—Ko Heropoama tama a Nepata, nana a Iharaira i mea kia hara.

Huri noa nga tau kotahi mauo, na, ka tae mai a te Karaiti. Kua hoki etahi o nga tamariki o Iharaira ki Hamaria, me te mau ano i to ratou pakanga. E mohio ana koutou ki te korero a te Karaiti raua ko te wahine o Hamaria. (Hoani 4, 9.) Heoi ano ta ratou i pai ai, he kati kau. Katia nga kai, katia nga huarahi, kata nga wai, katia nga tangata; kahore i tatatata te Hurai ki te tangata o Hamaria. Kahore i manakohia te tangata, i anga ona kanohi ki te haere ki Hiruharama. (Ruka 9, 53,)

Na, te putanga mai o te Karaiti, oti rawa atu te tikanga wehewehe, te tikanga kati. Pakaru iho te taiepa wehewehe. Haehaea te arai. Tahoroa nga maunga. Wharikitia nga repo. Whaka-tikaia nga wahi kopikopiko. Whakamaenenetia nga wahi taratara. Whakamaroketia nga wai hohonui hei huarahi ma tana i whiriwhiri ai. Karangatia nga manu katoa o te rangi kia rere mai ki te rakau kotahi, maru ai. Huihuia nga hipi katoa, ki roto ki te kahui kotahi. Haoa nga ika katoa ki roto ki te kupenga kotahi. Tamariki a Hema, a Hama, a Tapeta—Tamariki a Aperahama. a Ihaka, a Hakopa,—haere katoa mai ki te Atua kotahi, ki te Ariki kotahi, ora ai i te whakapond kotahi:—mau ai ki te aroha kotahi—tu ai i te ture kotahi.

Tenei matou te tu nei, he teina, he tuakana, i runga i to whakaaro tahi. He Pihopa pakeha te teina, he Minata maori, te tuakana. Ko te hiahia tenei o toku ngakau o mua iho, kia waka-pakia te Minita maori, hei rite ki a matou. Ahakoa kiia e te pakeha," ekore e rite." kahore ahau i whakaae atu. Ahakoa kua mea te tangata maori i mua," Hei aha mawai te Minita maori, ekore matou e tahuri," kahore ahau i whakaae atu. Tohe tonu ki te whakato i nga tau e rua tekau, titiro mai,—na te Atua tenei hua. Ka titiro ahau ki aku tuakana, ki enei Minita maori, e noho nei, na, ka tino kaha rawa taku whakahua i to tatou waiata'—" Ano te pai, ano te ahuareka, o to nohoanga o nga teina o nga tuakana i runga i te whakaaro tahi."

Tenei ano taku ritenga maori hei whakamutunga.

Kua kite ahau i tetahi manga i pipi mokemoke ki roto ki te repo. Heoi ano tona nuinga, he he nuinga paru kau. Ko tona otinga tenei, he ngaro noa. Ehara ia i te wai, ehara i te whenua. Kahore ia i inumia e te tangata, kahore i haerea e te hoiho, kahore i hoea e te waka: kahore i parautia e te parau; kahore i rerengia e te kaipuke. Kati noa iho i runga i tona nuinga poauau te manga kahore nei i pai kia rere ki roto ki to awa. Waiho, ma te tuna e ngokingoki, ma te poaka e titakataka ki reira.

Engari te manga ataahua, te manga pai, he mea whanau hou no roto no te kopu o te rangi; tirohia tona kaha ki te pekepeke ki nga wairere: ki te rererere ki nga taheke; he toho hoki nona ki te mahi i tana mahi, ara, he wakanui i te awa. Tae rawa mai ki te putahitanga, kua ngaro tona ingoa. Tengaronga o Puniu, na, ko "Waipa; te ngaronga o Waipa, na, ko Waikato: te ngaronga o Waikato, na, ko te moana nui. Ko tona nuinga tenei, ko to te manga, kia ngaro pai ki roto ki te awa. Ko tona nuinga tenei, ko to te awa, kia ngaro pai ki roto ki te moana. Waihoki ko toku nuinga tenei, ko to te tangata kotahi, kia ngaro ki roto ki te Hahi; ko to te Hahi nuinga page 8kia ngaro i roto i a te Karaiti; ko to te Karaiti nuinga, kia ngaro i roto i te Atua, "kia katoa ai te Atua i roto i nga mea katoa." (1 Korin. 15-28.)