E hoa e Te Kawana,—
Tena koe. Kua oti te huihuinga a Wiremu Tamehana. Maku e korero atu kia koe nga take o taua huihuinga nei.
page 20Te Tuatahi ko Mangatawhiri—Kia kaua e whiti te rori.
Te tua rua ko Waikato—Kaua te tima e rere i roto o Waikato.
3. | Tua toru ko nga Pakeha kia atawhaitia mo nga Pakeha Maori, ko nga Minita ia me haere noa atu. |
4. | Tua wha ko Waitara i Karangatia ano kia whakawakia a Waitara meatia ana ano me karanga a te Kawana kia haere mai kia whakawakia a Waitara. Kua takoto ano te korero mo Waitara kia whakawakia. Heoiana ena kupu. |
He kupu ano tenei mo nga iwi i tae mai ki taua huihuinga nei ko Pororu ki Kahuhunu ko te Urewera ko te Atiawa.
Ko Ngaiterangi
Ko Ngatiwhakane
Ko Ngatiaukawa
Ko Ngatimaru
Ko Ngatipaoa
Ko Ngatiwhanaunga
Ko Waikato
Ko Ngatimahuta
Ko Ngatipou
Ko Ngatitamatera
Ko te Ranehea
Ko Ngatimahanga
Ko Ngatihourua
Ko Ngatihikairo
Ko Ngatimaniapoto
Ko Ngatiapakura
Ko Ngatihinetu
Otiia he maha nga iwi ekore e taea te tatou. Kei te ata huri huri marie nga tangata mo te Kawana kia karangatia kia haere mai. Heoiano.
Na Piripi Matewha.