.jpg)
Kirikiriroa,
Nowema 1,1862.
Kia Te Pere, kei Akarana,—
Ehoa, tena koe! He karere tenei naku ki a koe, mo nga korero a te Runanga nui o Niu Tireni i turia ki Peria.
| 1. | Ko te rori ki Mangatawhiri, kaua e whiti mai ki tenei taha. |
| 2. | Ko te rori ki Mangatawhiri; kaua e whiti mai i Waitetuna. |
| 3. | Ko te tima kaua e rere mai ki roto o Waikato. |
| 4. | Ko te pakanga whenua kia whakamatua. Kia waiho ma te whakarite whakawa anake te ritenga mo te whenua. |
| 5. | Ko te nama ki nga taonga o te pakeha me mutu tera.—Roma, xiii, 8. |
| 6. | Ko nga pakeha e noho nei i o matou nei aroaro, ahakoa Minita pakeha, Maori ranei, kia kaua e kino kia ratou engari kia atawhaitia. Ko nga pakeha e kino ana ki ta matou titiro me whakahoki atu ki Akarana. |
| 7. | Ko te Kawana me haere mai ki Waikato nei, a te ra e karangatia ai, ko te take, kia whakapuaki tonu mai ia i tana tino kupu ki te kanohi o nga tangata Maori mo te puaki atu hoki o te kupu a nga tangata Maori ki tona kanohi tonu, ki te pai nga korero a taua ra. Kei muri atu ka whakawakia Waitara. E hoa, kaore i ata takoto nga korero mo Waitara, he nui nga tangata i pai kia whakawakia Waitara, he nui ano nga tangata kaore i pai ki te whakawa; otira ki taku mahara tera ano e taea Waitara e te whakawa, no te mea he nui nga tangata whai whakaaro i tae ki runga i taua kupu. Heoi ana aku korero ki a koe. Tena koe. Ma Te Atua koe e tiaki. |
Na to hoa pononga,