.jpg)
Ko Nga Tikanga Nui O Te Ture O Ingarani
Upoko III. — Te Kawanatanga Me Nga Kai-Whakawa Nui
page 70.gif)
Upoko III.
Upoko III.
Te Kawanatanga Me Nga Kai-Whakawa Nui.
| 1. | Ka takoto nga tare, ka tukua Ma mahia e etahi tangata i wha-kaaetia e te Parameta. Ta ratou mahi ano hoki, he whakatakoto wha-kaaro ma te Kuini. Ki te kahore ta ratou whakaaro i takoto, ekore te Kuini e mahi. Nga mahi ia a te Kuini, ratou ko ana kai whakatakoto whakaaro, kia rite tonu ki te Ture i whakatakotoria e ta Parameta. |
| 2. | He wa ano ka tautohetohea te tikanga o te Ture, te mahinga ranei o tetahi Ture. Kua rite etahi tangata mo tera, hei karanga. Ko te tikanga tenei o taua Ture nei: E he ana tena. Aua tangata nei ko nga Kai-whakawa o te Kooti nui. Ekore hoki e pai kia waiho ma nga kai mahi o te Kawanatanga, ma ana Minita ranei, te whakahaere i nga tikanga o te Ture, kei riro ta ratou i ta te Kawanatanga i whai ai. He whakaaro hoki ki reira i kore ai nga Kai-whakawa nui e tukua Ma urn ki nga tautohetohenga e tautohetohea nei ki te Parameta. Na ahakoa kai mahi nei na te Kuini, ka mau ano i te Ture, ka whakawakia ki te Kooti, ka tangohia ano hoki he utu i a ratou mo te mahi he kihai i rite ki te Ture, ki te mea kua he i a ratou tetahi aha ranei a tetahi aha ranei a tetahi tangata o te Iwi. |
| 3. | Aua Kai-whakawa nei, he mea whakarite na te Kuini i runga i te kupu a ona Kai whakatakoto whakaaro. Ka oti ratou te whakarite, ekore e whakamutua kautia ta ratou mahi. He mea hoki kia u rawa ai te noho o te noho o te Kai-whakawa; kei wehi i te tangata, a ka ngau ke tana mahi. Mo reira ekore e whakamutua e te Kuini te mahi a tetahi Kai-whakawa nui, kia pnta ra ano te kupu a nga Whare e rua o te Parameta ki a ia, mo taua Kai-whakawa nui kia whakamutua tana mahi, |
| 4. | Oti kau te Kai-whakawa nui te whakatu, mana katoa nga whakaaro mo ana mahi; kahore te Kuini e tohutohu, e aha ranei, ki a ia. Ki te mea te tangata, he he te whakataunga a tana Kooti, me karanga ki to runga ake Kooti; a ma tera e whakatakoto te tikanga. |
| 5. | Kotahi tonu te tikanga e kaiponuhia ana ma te Kuini, ara, ko te whakaora. Ka tau te kupu whakamate ki runga ki te tangata, ki te pai te Kuini, ka whakaputaina ketia ki te herehere. Mana ano e mea kia hia ranei nga tau. Era atu whakataunga ano hoki a te Kooti ki nga tangata hara, ki te pai te Kuini, ka whakaititia e ia to whiu, ka whakakahoretia katoatia ranei. Otiia me matua uiui e ia nga tikanga o taua mahi nei; kei whakangawaritia kautia ta te Ture, a kore ake te wehi o te tangata kino. E kore te Kuini e whakaneke ake i te whiu i whakaritea e te Kai-whakawa, Kai-whakawa nui ranei. |
| 6. | He Kai-whakawa,—era atu kai whakahaere mea ano hoki a te Kuini, e kore e tukua kia tango i nga moni a te tangata hei mea mana akej hei utu utu mona e mahi nei; kei homai he mea whakapati e nga tangata taonga ki nga Kai-whakawa, i te mea ka whakawa nei, hei mea i a ia kia whakareka mai ki ta ratou kupu. He whakaaro ki reira i homai ai nga utu mo nga Kai-whakawa, mo era atu Kai whakahaere mea ano hoki a te Kuini, i roto i nga moni a te Kingitanga. |