Kai Whakaoti Mo Ta Te Kooti. (Sheriff.)

6. Ta te Sheriff, he mahi i te kupu a te Kooti Nui—E whai ana koki kia mana rawa te kupu a te Kai-whakawa nui: kei nui ake, kei iti iho i tana i ki ai. No reira i waiho ai ma te tangata ke, kahore i tata ki te tangata i tukinotia, ki te tangata ranei nana te tukino; kei riri, a ka kaha rawa te whiu; kei aroha, a ka iti. E kore tetahi e riri ki te Sheriff, ki te mea ka whiua he whanaunga e ia ki te whare herehere, ki te tangohia ranei e ia ona taonga, a ka hokona hei utu nama. Kahore he take e mauahara ai nga whanaunga ki te Sheriff: no te mea e mohio ana te katoa, ehara tana mahi i te mea nana ake; engari e whakaotia ana e ia ta te Ture i whakatakoto ai.