Ko ta te Pakeha tikanga tenei mo te whiu i te tutu, mo te whakakore i te pakanga. Tena, e te tangata Maori, whakaarohia, e pai ana ranei, e rite ana ki ta koutou te pai. Kia mahara hoki, na tenei i nui ai matou, i nai ai hoki o matou taonga: na ta koutou i tokotorutoru ai koutou, i rawakore ai, i noho kino ai.

Ko ta tc Pakeha tino tikanga tenei; kia kotahi ano ture me te katoa: kaua e tukua te tangata kia whakatika ake ki te rapu utu mona, ina ahatia e tetahi atu tangata; e ngari me waiho ma te tino kai whararite ratou ko te tekau ma rua e whakarite. Me i penei te tangata Maori, ka tahi ia ka kite i te pai. Ki te tohe koutou ki to mua tikanga—kia rongo mai koutou—ka kite koutou i te tikanga o tenei kupu "a ka whakaururuatia e Ihowa te whenua hei utu mo te kino o nga tangata i noho i runga." Me aha e kake ai, e ora ai? Kia rite te mahi ki ta te Karaiti i whakatakoto mai ai.

Kia mahara ki enei kupu e rua:

1.	Kati, e tera tangata, e tera tangata, te haere ki te taua. Waiho ma te kai whakarite whakawa ratou ko ona hoa te tikanga mo te totohe.
2.	Tukua kia whiua te kai mahi i te kino. Kaua hoki te tangata e whiua mo te hara o tetahi atu.

Heoi ano.

page break page break page break page break page break page break