Te Poraka o Akakoa.

I pau katoa a Akaroa ki roto i tenei poraka, e 260,000 eka me te wahi hoki i miohiotia nei ko te kereeine o Nanto-Bordelaise e 30,000 eka. E toru nga hoko i hokona ai tenei poraka ara ko te hoko o Poti Kupa i Akuhata, 1849, e £200 nga mom i utua ai; ko te hoko o Poti Riiwi i Hepetema, 1849, mo nga moni e £300 : me te hoko a Hamiratana i Tihema, 1856, mo nga moni e £200 Ko nga eka i porobitatia ma nga Maori e 3,430 eka.

Kahore i tatauria nga tangata kainga i te wa o te hoko. No te tau 1844 te tatauranga tuatahi, a ko nga tangata i kitea i reira e 584. Otira he maha nga tangata o nga kainga o uta e noho ana i Akaroa i taua wa; ko te nuinga o taua hunga i Poti Riiwi e noho ana. Ko te tatauranga tuarua no te tau 1848, a i maharatia i reira e 340 nga tangata, engari e 200 o enei i whakawhiwhia ki te whenua i Kaiapoi. No te tau 1861 katahi ka ata tatauria tikatia nga tangata a i taua wa e 211 ratou. I te tatauranga whakamutunga e 267 nga tangata; engari i te mea kua whakaurua te poraka katoa o Akaroa ki roto i te hoko a Te Keepa kahore he tikanga i whai kupu ai ahau mo ratou.