Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

A Compendium of Official Documents Relative to Native Affairs in the South Island. Volume Two.

[Deed of Conveyance]

No 262.
Deed of Conveyance.
£300.
Ngaitahu Tribe.
Ceding claims to land within the Province of Nelson.
Executed
29th March, 1859.

Tenei pukapuka i tuhituhia i tenei i te rua te kau maiwa o nga ra o Maehe i te tau o to tatou Ariki 1859. He pukapuka tino hoko, tino hoatu, tino tuku wakaoti atu na matou na nga Rangatira me nga Tangata o (Ngahitau) Ngahitahu no ratou nga ingoa e mau i raro nei a hei wakatu tenei pukapuka mo matou, mo o matou whanaunga me o matou uri mo te tuhi tuhinga o o matou ingoa ki tenei pukapuka i raro i te ra e whiti nei, kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi, ki nga Kuini o muri iho iaia me ana, me a ratou e wakarite ai hei whakaritenga mo nga Pauna moni Etoru rau (£300) kua utua mai ki a matou e James Mackay, junr. (Tiemi Make), mo te Kuini (a e wakaaetia nei e matou te rironga mai o aua moni), ko taua wahi whenua katoa kei te Porowini o Whakatu, ko Kaikoura te ingoa tana wahi whenua, ko nga rohe kei raro i te pukapuka nei e mau ana te korero wakahaere ko te Mapi hoki o taua whenua kua apititia ki tenei. Me ona rakau, me ona kowhatu, me ona wai me ona awa nui, me ona roto me ona awa ririki, me nga mea katoa o taua whenua, o runga ranei, o raro ranei i te mata o taua whenua, me o matou tikanga, me o matou take me o matou paanga katoatanga, ki taua wahi; kia mau tonu kia Kuini Wikitoria ki ona uri ki ana ranei e whakarite ai hei tino mau tonu, ake tonu atu. A hei tohu mo to matou whakaaetanga ki nga tikanga katoa o tenei pukapuka kua tuhituhia nei o matou ingoa me o matou tohu, a hei tohu hoki mo te wakaaetanga o te Kuini o Ingarani mo tona wahi ki nga tikanga katoa o tenei pukapuka, kua tuhia nei te ingoa o (James Mackay, junr.), Tiemi Make Kaiwakarite whenua. Ko nga rohe enei o taua whenua, ka timata i te taha ki terawhiti i te kurae o te Karaka, ka haere tonu i tatahi i te taha o te moana ki Parinuiowhiti, ka whati i konei a ka haere whakauta tika tonu ki Rangitahi i nga matapuna o te awa o Waiautoa (Clarence) ka whati i konei a ka haere tonu i te taha o nga maunga i Maungatawhai i Waiaki (i te matapuna o Wai-au-uwha), i Te Rangiamoa, ki Hokakura (te roto i nga matapuna o te Hurunui), ka whati i konei a ka haere tonu te rohe i te awa o te Hurunui tuhono noa ki te moana-ka whati i te kongutu page 383awa o Hurunui a ahu whaka te marangai, ka haere tonu i tatahi ki te Karaka (Cape Campbell) ka tutuki nga rohe i reirs.

Kaikoura Whakatau.
Raihania x.
Ihaia Poieke x.
Tumaru x.
Hohepa x.
Arama Karaka x.
Ihaia Taiawa x.
Hakopa x.
Hoani Timaru x.
Mu Korapa x.
Renata te Whiringa.
Paratene Whiti x.
Wiremu Kena x.
Haora x.
Karehoma x.
Parata x.
Rawi te Kauhariki x.
Ihau x.
Hakaraia te Utu x.
Onaia x.
Whera x.
Eruiti x.
Raiania x.
Hakuira x.
Teoti Wira x.
Aperahama x.

Ko nga tangata i kite i te hoatutanga o nga Maori me te tuhinga o nga ingoa.
James Mackay, junr. (Tiemi Make), Assistant Native Secretary, Acting Native Land Purchase Commissioner.
George Fyffe, Sheep Farmer, Kaikoura.
Alexander Mackay, Settler, Nelson.