Ngatiawa Deed of Sale.
Tenei Pukapuka tuku whenua i tuhituhia ki Ngamotu i tenei ra, ara i te rua (2) o nga ra o Maehe i te tau o to tatou Ariki kotahi mano ewaru rau e rima te kau ma wha (1854) he tino whakaae pono na matou na nga rangatira me nga tangata o Ngatiawa kia tukua rawatia tetahi wahi o to matou whenua ki a Wikitoria te Kuini o Ingarangi, ki nga Kingi Kuini ranei i muri iho iaia ake tonu atu.
Ka timata te rohe o te Whakarua ki tai ki te Karaka ka ahu whakauta ki te Piripiri whakamau atu ki Tokomaru, whakamau atu ki Iringatau, whakamau atu ki Wairau ka mutu ki reira, ka timata te rohe o tahatai ki te Karaka, ka haere Waikawa, ka haere te Ihumoeone, ka haere te Wera o Waitohi ka haere te Tukurehu, ka haere Kaipupu, ka haere te Mimi o Kupe, katahi ko ahu whakauta te rohe o te tonga ka whakamau ki te Tara o te Marama whakamau atu ki Otamau whakamau atu ki Tuamarino, whakamau atu ki Pukakaho, whakamau atu ki Wairau, ko tona mutunga tenei, a ka waiho ko Wairau te rohe o uta. Heoi kua oti rawa i a matou, tenei whenua te tuku rawa atu ki a Wikitoria te Kuini o Ingarangi, ki nga Kingi Kuini ranei i muri iho i a ia, i tenei ra e whiti nei, a ake tonu atu, a mo to matou whakaaetanga ki nga tikanga katoa o tenei pukapuka ka whakapiria iho o matou ingoa me o matou tohu.
A mo te whakaaetanga o te Kuini o Ingarangi, ki nga tikanga katoa o tenei pukapuka ka tuhia iho te ingoa o Te Makarini te kai whakariterite whenua o te Kawana of Niu Tironi.
Donald McLean, Commissioner.
Wiremu Kingi x Witi.
Enoka Kingi Taihuru.
Wiremu Ropata Kaupane.
Manihera Te Mutu.
Horomona Te Ahu.
Eruera Kingi Tuware.
Matiaha Kite.
Hare Hemi Te Paea.
Paranihi Tukoko.
Raniera Mokaiharanui.
Aperahama Te Kani.
Kai titiro ki tenei homaitanga utu me enei tuhinga ingoa—
G. S. Cooper, Sub Land Commissioner, Taranaki.
H. Halse, Sub-Inspector of Police, Taranaki.
W. Carrington, Surveyor, New Plymouth.
Te Ngahuru, Kaiwakawa.
Ko Te Tana.