Mo te tino tukunga rawatanga i enei whenua katoa me ia wahi o matou, haunga ra a Rangitoto, me nga wahi hei nohoanga mo matou, e whakaae ana te Kuini o Ingarani mona kia utua matou ki nga pauna moni kotahi te rau takitahi (£100). Ko aua moni kua riro mai i a matou i tenei ra na Te Makarini i homai.

Ko nga wahi hei nohoanga mo matou koia enei: 1st. Te tuatahi, ki te roto i Kaiau he wahi iti ki te taha tonu o te roto ko te rae ki te Pakiaka tetahi rohe ko Puketeraki tetahi rohe. 2nd. Te tuarua, ko te wahi i ruritia e Parana te kai ruri ki Okiwi. 3rd. Te tuatoru, ki Whangarae ki te wahi i ruritia e Parana. 4th. Te tuawha, ki Onetea erua te kau (20) eka ki Whangamoa, kotahi te rau (100) o nga eka; Heoi ano nga wahi mo matou, a mo to matou whakaaetanga, ki nga tikanga katoa o tenei pukapuka ka tuhia jho e matou o matou ingoa me o matou tohu ki whakatu, i tenei ra i te rima (5) o nga ra o Maehe i te tau o to tatou Ariki, kotahi mano e waru rau e rima tekau ma ono (1856).