Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

A compendium of official documents relative to native affairs in the South Island, Volume One.

No. 524.Deed of Sale.£600.Ngatirarua and Ngatitams, ceding all claims to land in the Middle Island.Executed at Nelson on the 10th and 13th November, 1855. Tenei Pukapuka tuku whenua e tuhituhia nei i tenei ra i te tekau o nga ra o Nowema i te tau o to tatou Ariki, kotahi mano e waru rau e rima tekau ma rima, 1855. He pukapuka tino whakaae pono na matou na nga rangatira me nga tangata e mau nei nga ingoa ki tenei pukapuka mo matou mo a matou whanaunga, mo a matou uri i muri iho i a matou, kia hokona kia tino tukua rawatia o matou whenua katoa ki tenei motu ara nga whenua kihai i hokona e matou i mua ki a Wikitoria te Kuini o Ingarani, ki nga Kingi, Kuini ranei o muri iho i a ia ake tonu atu.

A mo to matou tino hokonga i enei whenua katoa o matou e whakaae ana a Wikitoria te Kuini o Ingarani mona kia utua matou ki nga pauna moni e ono rau takitahi (£600) ko aua moni kua riro mai ki a matou i tenei ra na te Makarini i homai. Heoi ko te utu whakamutunga rawatanga tenei ki a matou mo enei whenua ake tonu atu.

Nga rohe nui o te whenua ka timata mai i Wairau puta noa ki Arahura haere tonu tutaki atu ki nga hokonga o Ngaitahu.

Kotahi te wahi o roto o tenei hokonga hou e kapea e matou mo matou ara ko te wahi i tua atu o te Whanganui ka timata i Mangamangarakau rere noa i te taha o te moana ki te Iwituaroa—rere noa ki uta ki te tihi tahuhu o nga hiwi e ahu whaka-terawhiti ki te moana. Ko nga ara ruri nui mo te Kawanatanga i roto i aua wahi tapu e whakaae ana matou kia mahia i roto i aua whenua he ara ano ia mo matou tahi ko nga pakeha. Ko te ahua o te whenua koia tenei e piri nei ki tenei pukapuka. A mo to matou whakaaetanga ki nga tikanga katoa o tenei pukapuka ki te rironga mai hoki o enei moni e ono rau pauna (£600) i tenei ra e whiti ka tuhia iho e matou o matou ingoa me o matou tohu tapu.

Takarei Tuturau x.
Matenga Te Aupouri x.
Riwai Ngapaki.
Henere Wiremu.
Simeon Te Wehi.
Penehamine x Mitikakau.
Hamiora Pito.
Piripi Tengaohe.
Haimona Pita x Taitea.
Matiu Te Kanewa x.
Toto.
Takarei x Pairata.

Nga kai titiro ki enei tuhinga ingoa me enei homaitanga moni—

M. Richmond, Commissioner of Crown Lands.

John Poynter, Resident Magistrate.
W. Gisborne, Commissioner of Crown Lands.
W. D. Shiply, A.D.C.
Jno. Tinline, Nelson.
Thos. Brunner, Government Surveyor.
Henry Handyside, Settler, Motueka.

No te 13 o nga rao Nowema i tuhia e matou o matou ingoa, me o matou whakaaetanga ki nga tikanga o tenei pukapuka.

Wirihana Kaiwhakawa.
Paramena Ngawarangi.
Meihana Teoti.
Kawana x Kerei Poaru.
Wiremu Paratene x Te Wakamatau.
Henere Te Ranga.
Manihera Te Ao.
Heruera Te Rauhihi.
Rameka Te Paea.
Hone Riwha.
Tare Waiti Te Kaini.
Kokere Meneta.
Rawiri TamaitiPirimona.
Parau.
Rawiri.
Retimau a Te Whare Mamaku.
Hoani Taitapu.
Pene.
Ko Inia.
Ko Riwai.
Watene Te Manea.
Pehama.
Paratene.
Heta.
Hori.
Tamati Te Kou.

Witnesses

M. Richmond, Commissioner of Crown Lands.

H. C. Daniell, Chief Clerk in Land Office.

page break