Te Koro to the Native Minister.
Haere atu ra e taku reta ki Poneke, ki a te Rahere,—E hoa tena koe. He kupu taku ki a koe mo toku pihi whenua e takoto ana i waenganui o te rohe o Kaitoreti. Kei te Waiotemakua te rohe katia mai i te Kaiopapa haere ki te pa ki Waikakahi, ka tae ki Kitokitoki ka mutu i kona.
Te take i tuhi atu ai au ki a koe, kua korero maua ko Hamutini kua whakatika a Hamutini ki taku korero, ko te utu mo tera wahi kaore ano i utua noatia. Ko te utu a Matara kaore au i kite, kihai i takoto ki reira ko ta Hamutini utu i takoto ki roto o Wairewa haere ki Akaros. No konei au i tuhi atu ai ki a koe notemea kaore au i kite i te utu a Matara, i Poneke na hoki au i taua takiwa, no kona te kite au.
Hcoi ano taku korero ki a koe.
Na to tamaiti,
Na Te Koro.