Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

A compendium of official documents relative to native affairs in the South Island, Volume One.

Mr. Rolleston to Natanahira Waruwarutu

Mr. Rolleston to Natanahira Waruwarutu.

E hoa e Natanahira,—

Poneke, Aperira 23, 1866.

Tena koe. He mea tuku e te Minita mo nga Maori to pukapuka o te tuatahi o Pepuere ki a Matara, pataia atu ana ki a ia mehemea kahore he kupu ki nga Maori mo nga rauiri tuna o Waihora i tona tukunga i te moni ki nga tangata whenua.

Ko te kupu mai tenei a Matara, i a ia kei Waihora ka ki atu ia ki a Maopo, ki a Pohau, me etahi atu o Kaiteruahikihiki e whai paanga ana ki Taumutu; ko tana kupu atu tenei ki a ratou, ahakoa he maha nga tau e pahemo katahi ai ka kore e tukua to ratou tikanga pakaru i te wai o namata kia mania e nga tangata whenua. Otira tena ane ka tae mai te ra, no te mea ka repoa te whenua i te wai e takoto ana ki runga, ekore hoki e puta te wahi o nga waitahenga, ma taua mei nei ka ahei ai kia puta ki reira ta te Kawanatanga e hiahia ai kia mahia a tona wa ko tana kupu tenei.

Na rapea, ki te mea e pakarua katoatia ana te wai e te Huparitene, e mahi tika ana ano ia ki nga Maori. Tena ko tenei kahore e pakaru katoa ana i te wai. Heoti ano.

Na to hoa,
Na Te Roretana.

Ki a Natanahira Waruwarutu, Rapaki.