Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Proceedings of the Third Kotahitanga Parliament, April to May 1894

[2 pm Ka puare te Whare]

2 p.m. Ka puare te Whare.

Tiamana.—Ka tu ka mea: Kote mahi tuatahi ma tatou i tenei wa, kote motini No. (13) a Raniera Wharerau. Mote whakawhiti ki Ingarangi. Me tu te kai motini ki te whakamarama i tenei motini.

R. Wharerau.—Ka tu ka mea:—Kote kupu whakaae a tenei Paremata kia puta. a, hei te mutunga mai ote Paremata Pakeha tino Matauria ai. No rera i motinitia ai, ahakoa he mai, a, tika mai ranei ko te kupu whakaae kia takoto i tenei Paremata, a tae atu monga tau e rite ai te whakawhiti, te, kore ranei.

H. Ropiha.—E hiahia ana ahau, me whakahoki tenei motini kite Kawanatanga.

H. Paea.—Kote otinga oti kirihipi te hea [unclear: mo] tenei motini kia oti te Kotahitanga ka taea te inoi ite mana mete whakawhiti ki Ingarangi.

N. Patuawa.—E rite ana tenei motini ki te motini whakakore mema mote Paremata Pakeha. A, he maha nga. Iwi kei runga i tenei kupu whakakore.

page 41

Aperahama.—E tautoko ana ahau ite motini, ta toke ka hoatu te tono ite mana i tenei Paremata Pakeha, a kaore e homai no [unclear: reia], ka tatari ano tetahi atu hui a tatou, a kaore ano hoki he [unclear: raruraru] o tenei motini, e pa mai, kia tatou na reira, e ki ana ahau.me tautoko tatou i tenei motini ahakoa, mo nga tau e rua e toru ranei.

H. Tupara.—E tautoko aua ahau ite motini

R. Rangiheuea.—E tautoko ana ano hoki ahau ite motini.

P. Hapuku.—Ko tenei motini. Kote tino take tenei o ta tatou mahi e mahi nei, a, e mea ana ahau me ata waiho te pire nei kia takoto.

W. Kiriwehi.—E mea aua ahau me unu te motini ki waho, me neke kia oti te kirihipi.

R. Wirihana.—E tautoko ana ahau inga korero a W. Kiriwehi.

T. Waata.—E tautoko ana ahau ite motini. A mehemea e paahi tenei motini, me menemana a raro ote motini ma tatou e hanga nga kupu, mote 2 mote 3 ranei nga tau.

T. Whiua Minita.—E hara tenei motini ite Kawanatanga na to matou hoa (Minita) anake.

H. Rapihana.—E tautoko ana ahau ite motini, a, e penei ana ahau, me whakamahi tonu tenei take, mehemea ka paahitia

T. Kaporiki.—E tino hiahia ana ahau me paahi tenei motini inaianei ano.

E. Tewano.—E hiahia ana ahau kia oti tenei kirihipi inaianei ano, kia haere tahi mete pire ki Ingarangi.

P. Taui.—E tautoko ana ahau ite motini, mete [unclear: menem] aua kia takoto te whakataunga a tenei Paremata ki runga i ana pukapuka, no te mea, he take tawhito tenei. No te mea, e 3 take nunui o ta tatou mahi i mahi nei.

  • 1.Kote tono mana.
  • 2.Whakawhiti ki Ingarangi.
  • 3.Whakakore mema hei haere kite. Paremata Pakeha.

H. Mokopapaki.—E tautoko ana me neke tenei motini.

page 42

H. Ruru.—E tautoko ana ite motini. Na te Kotahitanga tenei Pire. Hei whakaae ma tatou ki nga pukapuka takoto ai, konga kirihipi e haina ana nga Iwi inaianei.

P. Paraihe.—E tautoko ana ahau ite motini, kia mahia i tenei Paremata te whakaaetanga.

W. Kaharunga.—E tautoko ana ahau ite motini, mehemea ka paahi.

H. Maroro.—Me neke tenei motini mo tera Parema ta.

M. Paewai.—E tautoko ana ahau ite motini.

P. Porokoru.—E tuku a ana e au toaku pooti mote tautoko i tenei motini. He take ngawari tenei, tera aiu te motini uaua ko te whakakore mema mo te Paremata Pakeha, a, e hiahia ana ahau me paahi tenei motini.

M. Haare.—E tautoko ana ahau ite motini, a, ko taku hiahia kia paahi tenei take inaianei. Tetahi kia oti te kirihipi ka tuku ai.

P. Moetaarau.—E tautoko ana ahau ite motini, mete menemana, a, e hiahia ana ahau me tuku te pooti.

H. Tomoana.—E menemana awaho atu ana kia koe ete Tiamana, me neke tenei take mo ate Wenerei te 9 o mei, 1894.

H. Paerata.—E tautoko ana ite menemana a H. Tomoana.

Tiamana.—Nga mema e whakaae ana me nuku tenei motini, me ki mai ae! kua riro ki tenei me nuku tenei motini. Heoi, ka nekehia te Whare mo ate mane 7 o Mei, 1894.

Kamutu te Whare ite 10 p.m.