Himene Powhiri.

XIX.
He koa te powhiri ki nga tangata pono,
Kia nui haere te pai ki a tatou katoa;
He nui te koa o te mihi kia koutou.
Tomo mai ki te whare o o koutou hoa.

Me whawhai tahi te tangata kaka me te tangata iti,
Kia mutu te he kia nui haere te tika;
I runga i te mahi tika ka nui haere ai tatou,
Ka patua te hoariri ka ora te tika.

To matou he wewete i nga here katoa,
O nga iwi, o nga reo, o nga whenua katoa;
Ahakoa te kaha o to matou nei hoa riri;
Ka hinga te he, ka ora te tika.

•

W.M. E te Waati Rangatira Tepara e koa ana ahau ki te whakaatu mai i tenei Kanatieti kia whakaurua ano ki to tatou Oota.

W.R.T. E tino koa ana matou ki te karanga atu i a koe ki to matou Oota, hei hoa mo matou i tenei Rore.

E mohiotia ana e koe te pumautanga o to page 53matou nei Opirikeihana, te nui whakaharahara hoki o to matou nei mahi; He mea tenei hei take mahi mo nga tangata katoa, ara te pehi i te haurangitanga. Tenei kua haere mai nei koe, ehara i te whakarite kau i to Opirikeihana engari ka rere mai hoki koe hei hoa mo matou i to matou nei mahi; kia uru hoki koe ki roto i to matou haringa nui. Kaore e poto te mahi mehemea e pupuri ana i te pereti anake, engari me takahoa hoki i nga mea katoa. "Mehemea ka tutahi tatou, ka tu ano, mehemea ka tu wehewehe, ka hinga." Na, tenei, ka koa matou ki te tuku mai ano i akoe hei mema tahi me matou, a e tumanako ana matou ka haere nui to tatou noho pai, marie, whai rawa hoki; to haere nui hoki o to tatou nei take. He nui te mahi kia mahia ano; E kaha ana te hoa riri; me tutahi tatou i runga i te aroha, i nga mahi, i nga inoi hoki. Ma te Atua e whakamanako i o tatou nei mahi. Kua maha nga mea i waiho noa kaore i ata mahia; engari me mahi tonu tatou i muri ake nei, a ka pumau to tatou nei mahi; me tu tonu tatou i runga i te Whakapono i te Tumanako, i te Aroha hoki; a mate noa.

Me hainatia to ingoa ki te Konetetuhiana: Me waiata nga mema i te himene nama 9.

IX.
E Nga whanaunga me nga hoa kia tutahi mai,
  Kia kotahi te hamama i te koa,
Kua haere nui to matou nei take,
  Whakarerea te wehi me te ngakau rua.

page 54

Kua pereti matou kua pupuri i te ringa,
  Hei te wikitoria to matou nei take.
He ope kua herea nei ki te aroha,
  E whawhai ana kia manu ai te he.

[Kaore e kaia ana te kapa whakamate,
  Kei te whakatupato i te hunga ke,
Kia whakarerea e te katoa;
  Kia ki puru ai i nga mahi koa.
Kua pereti matou, kua pupuri te ringa,
  Hei te wikitoria to matou nei tohe,
He ope kua herea e te aroha,
  E whawhai ana kia manu ai te he.]

[Ka mutu te hainatanga o te Konetetuhiana me haere te Maihara me te Kanatieti ki waenganui o te ruma.]

• • •

W.R.T. Me hanga te ringi karapoti e nga mema.

[Me tuku iho te W.R.T. i aia me haere atu ki te Waati Maihara raua me te Kanatieti; me uru atu nga Apiha ke ki te ringi karapoti.]

W.R.T. Ka totoro atu ahau i te ringaringa matau o te hoa (me hoatu te hariru) ka hoatu ano te kupu pahi o tenei koata (me hoatu i te kupu pahi). Ma to tatou Waati Maihara e kakahu koe ki te Rikeria (me whakakahuritia te Kanatieti). A tenei kua uru mai ano koe kia matou, ki to matou nei Oota, me haere koe i runga i to matou manaakitanga.

I runga i te mana o te Karani Rore o te Oota o nga Kuru Tepara.

Ka ki ahau he mema o tenei Rore to tatou nei whanaunga; a, ka riro i aia nga mana ko-page 55toa, me nga tikanga, aha ranei aha ranei, o tenei Oota. A ma nga ture me nga tikanga katoa ia e awhina. Me haere tatou ki o tatou turunga, me uru hoki ki te ringi karapoti.

Na, tenei e tu hohou nei tatou, kua hoatu i te kupu pumau o tetahi ki tetahi; na ano te pai, ano te ahuareka o te nohoanga o nga teina o nga tuakana i runga i te whakaaro tahi, ma te mate anake e wewete nga here o nga hoa.

•