He Whakawai Taanga Moko.

E noho ana, e kai-tahi ana,
Ki te titiro, ki nga rewa
I te ihu, o Tutetawha,
E wekoki ana, me he peke ngarara.

Taia mai ra, ki te uhi a Mataora,
Taria, e tuku atu,
Ki to wahine, takiri karito kowhara,
Naku, koe i whakanako.

Te tangata, i te whakautu,
Kia ata whakanakonako;
Tangata, i te whakautu kore,
Kokoia, kia tatahi.

Patua i te whakatangitangi;
E hiki, Tangaroa !
E hiki, Tangaroa !