HE WAIATA KARAKIA.^*

Aue, i whare kino i a au, whare mataotao,
Ka tuwhera kau ake te whare i moe ai,
Ka ngaro a Te Hiko,
Taku manu whakaoho, i te ata, e-i,
He oti hoki te kawe ki te paeroa i uta ra e,
He oti hoki te kawe ki te puke ahu mai i tai ra,
Ki te toka tu ki te wai e,

page 408

Nowhea e hoki ake to koiwi ora ki te ao,
Kia manawatia iho e au, e-i,
Manawa Tane,
Manawa Tane,
Ta taua whiti,
Ta taua whiti,
Ta taua rori,
Ta taua rori,
Tuturi whanake te papato,
Paparu te angaanga o nga atua ki waho,
E whia aku tama takotako,
E rua aku tama takotako i,
Whakarere atu ko Tu-makehoi, i,
Tawhaki hoki taku tama, e-i,
E we one tu, one ka,
Ko Maru-te-whare aitu,
Hurahia ko te tutu,
Hurahia ko te ka,
Hurahia ko nga atua,
Ma wai e huaki,
Maku e huaki,
Ka matika he atua raeroa,
Koia i Uru-te-rangi,
Ka maranga i Uru-te-rangi,
Ka kokia te whatu moana,
Tautika, tautonu,
Te roua atu, te kapea mai,
Roua ki whiti, roua ki tonga,
Hamama tu te waha o te atua raeroa,
Te ko Hopi Hopa,
Te atua i te taha rangi e oho—,
E oho nga atua whio,
E oho nga atua ta e oho i,
Te hara i pakia ai koe,
Mokai hau tenei te rimu,
To whakatina,
Ka takoto kei te tahua hi.