Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE WAIATA, NO NAMATA

HE WAIATA, NO NAMATA.

E to e te ra ahua te whakangaro,
Au ki raro nei huri mate atu ai,
He puna ka utuhia he wai kei aku kamo,
He aroha i mahuki ki te tau i rangia,
E te ngakau ra e tumanako nei,
Ka motu koe ko tawhiti, ko wai e hokia mai
Kauaka ra ngeau e takarea mai,
Waiho ko angeau kia noho ake ana,
E whi aku tatari ka whiti te atarau,
Ki ko-nei hoki au whakamau atu ai,
Te ao ka rere mai na runga ana mai,
Te hiwi ki Omaru he ripa tauarai,

page 397

E rangi ki a koe, e rehu nei a te kamo,
Ko tahi koa koe i karea atu ai,
Nau rawa i haumiri te wa ki te tinana,
E mawai hoki koe e nui manako atu,
He tau kei te marea e mahia ana mai,
Kei eke ware ki runga raru rawa hoki au.