KO TE WAIATA, A TE TOENGA.

Kaore te aroha,
E huri i roto ra,
Tau kei Kapiti,
E moea atu nei,
Oku wairangi,
Ki te tangi,
Kau atu,
Karea kautia,
Ko koe na e Hui,
Tara te korero,
Ka tikanga, e te rau,
Au ka pirangi,
Te hua aku kamo,
Ko te rere i Ouru,
’U ra e kupenga,
E aurakina mai,
Waiho kia hoea,
He moana tai tua,
Te kite atu au,
He horanga putai,
Na e Ikawhero,
Kei tawhiti na koe,
Whano ka urutu,
Te manako i a hau e.