page 42

HE TANGI.

Kauwhautia mai, te kauwau o te kino,
I pu ai te riri, i mau ai te pakanga,
I hirihiria ai, te niho o Takurua,
Ka rato tahi ano, ki te papa teretere,
Ki Waikawau, ki Puketehe ra ia, ka rere ki Tauranga.
Ianei, e te iwi, kia mau te pupuri,
I te iti oneone, i kiia iho ai.
No muri, e tama, kei pehia koe, e nga ki rarahi,
Whakaputa to reo, ki te kauwhau riri, ki te korero o te toa;
Kia hapainga koe, e te mano e takoto.
Nei koa taua, te kiia mai nei,
He kamenga mahue; e mahue ana Manaia, mo Raroke-
nonui
E mahue ana Moehau, mo Pakihi, mo Koukou-rahi, ka rato
i te kino.
Herea mai, e koe, i a A Puhi taniwa ran, hei huna, kia
ngaro;
Ekore e ngaro, he takere waka nui
Ko te potiki toa na Marutuahu
I pepehatia ai,
“ Ko-Te-Ngako-ringa-kino.”
Herea mai, e koe, i te tai marangai, kia motite, kia motata;
Nowhea e ngaro, ko Te Manu-na-runga, e h[gap — reason: unclear]or[gap — reason: unclear]o i te tangata
Nei koa taua, te kiia mai nei, he pahore i te niho;
E pai ana tena, ka te tami atu, ki te umu taurekareka.
I whakaita iho, i maua, e koe, i te whaka, u-whare
Kihai koe i kite, i te wharona awatea;
I te manawa tohe riri, no Te Atua-o-te-po, e i.
Mo Hahu-koiwi i whakatahaina ai, mo Tarake-puha i tau-
wehea ai
Mo Te Ahi Tapoa ka mamao ki tawhiti.