Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE WAIATA, NA TE KETEWHARA

HE WAIATA, NA TE KETEWHARA.

’Kaipuipu ana mai te marino e,
No Matarehu,
Tera pea ia kei roto,
E huri ana i a Tangaroa,
Ki runga ki te waka e,
Ka mokai koange ra,
Nga tuatara o Te Huakiwi,
E ngangana nei e,
Hei wehi mo te whenua e,
Ki roto Upokoruru te kete kai,
Na Rotuhenga e,
Ponaia atu ra,
Te ihu o to waka e,
Kia tomo ki te whare,
I a Te Rangi-tua-matotoru e,
Kia wetekina mai,
Ngamawhatu e,
He kawenga hiatangi,
Noku ki a Kopurua ra.