Ko Nga Moteatea, Me Nga Hakirara O Nga Maori
HE KARAKIA, HOHOU RONGO
HE KARAKIA, HOHOU RONGO.
Ka hongi a Maru,
Ka hongi ki a Uenuku,
Ka hongi a Uenuku,
Ka hongi ki a Maru,
He apiti,
He uanga.
He whakamaunga atu,
Kei o matua,
Ki kona e Te Kehu,
Mapu noa ai ki te ata o te tau,
Taku kurupounamu,
Tena ka makere,
He makao taniwha,
No nga puke tu noa ki te whanga,
No Ruawahia,
No te tara ki te muri,
E Pare a Toki,
Tena to taina,
Mihi mai i kona,
Koe mate tuku kino,
Te tau, e-i.