page 287

HE WAIATA.

Kauaka te korero e komuhua, ki te tara whara,
Horahia mai kia rongo, te rau e pae nei,
Naku i aha iho,
Na te ngakau, koi hotahota,
He whakataenga koronga,
Ka eke nei hoki kei runga,
Ka hoe i a Mangeo,
Ka katokato i te rau pororua,
E tatari atu ana,
Hau taua mai na Te Waru,
Te hoki noa atu uru rakau,
Kei te Iringa ra,
He puia tu noa,
Te puia i Ruahine;
Ka ngaro noa koange,
Hatupatu nana i topetope, hi.