Ko Nga Moteatea, Me Nga Hakirara O Nga Maori
HE WAIATA
HE WAIATA.
Kaore hoki,
E te po nei,
Te hari wairua,
Mai ki a hau,
I tawhiti,
E Te Wai tenei ra,
Ko to tinana,
Te kauawhi nei,
Tuku noa nei,
Au i te tira,
Nou nei ra e Hoki,
Whakangaro ana,
Nga tai-hekenga,
Kei Otairi,
Tuku atu ai,
Taku turanga,
Ake ki runga ra,
Whakaiwi-kore,
Rawa i aku iwi,
Taku taumata,
Kei te Kakawaatai,
Ki a marama,
Au te titiro,
Ki te kotai,
E hara mai nei,
Na runga-tonu,
Mai o Waihi,
Te ata kitea,
Atu Maketu,
I te wai ra.
Koe o te kamo,
E huatau nei.