Niu Tireni.
Ture Whakatikatika I Te Ture Rahui Maori, 1899.
He Ture hei whakatikatika i te Ture e pa ana ki nga Rahui Maori.
Ka Meingatia Hei Ture e te Runanga Nui o Niu Tireni e noho huihui ana i roto i te Paremete, i runga ano i tona mana, ara:—
| 1. | Te Ingoa Poto o tenei Ture ko "Te Ture Whakatikatika i te Ture Rahui Maori, 1899." |
| 2. | Ko te tekiona whitu o "Te Ture Whakatikatika i te Ture Rahui Maori, 1895," e whakatikaia ana e tenei ara e whakakorea atu ana te wahanga tahi o taua tekiona, mo runga mo nga riihi kua whakarerea kua whakamutua tera ranei e whakarerea e whakamutua a muri ake nei, i runga ano i te whakaae atu a te Kaitiaki mo te Katoa, a me hoatu ko enei kupu e whai ake nei hei whakakapi mo tera, ara:—
| "(1.) | Ko te riihi hou me timata atu i te ra e hangaa ai te riihi hou e te Kaitiaki mo te Katoa." |
|
| 3. | Ko te rarangi (b) o te wahanga rua o taua tekiona whitu e whakakorea atu ana, a me hoatu ko enei kupu e whai ake nei hei whakakapi mo era, ara:—
| "(b.) | Mehemea ia he riihi tuatahi e pau ana ona tau i muri mai i te ra tuatahi o Aperira, tau tahi mano waru rau iwa tekau ma ono, a e tonoa a pukapukatia ana e te kaitangoriihi ki te Kaitiaki mo te Katoa i te wa e mana ana ano tona riihi kia tukuna atu he riihi hou pera ki a ia." |
|
| 4. | Ko tenei kupu "kaitango-riihi" i roto i te tekiona ono me te tekiona whitu o "Te Ture Whakatikatika 1895 i te Ture Rahui Maori," i roto hoki i tenei Ture, ko tono tikanga ko te kaitangoriihi, hui atu ki ona kaiwhakahaere me ona kaiwhakakapi; a ko te tikanga o tenei kupu "whakapainga" me pera ano tona tikanga me tera i whakaritea ai hei tikanga mo taua kupu i roto i "Te Ture Whakatikatika 1893 i te Ture Whakatau Rahui o te Tai Hauauru" |
| 5. | Ko te wahanga rima o te tekiona whitu o "Te Ture Whakatikatika 1895 i te Ture Rahui Maori," e whakangawaritia ana ona tikanga mo nga riihi o nga whenua e hara nei i te riihi o nga whenua kua whakataua ki te Kaitiaki mo te Katoa i raro i nga tikanga o "Te Ture Whakatau Rahui o te Tai Hauauru, 1892," kia kati anake nga tikanga o taua ture me pa atu ko nga mea anake e whaitikanga ana mo te mana whakahoutanga o te riihi. |
.jpg)
