Niu Tireni.
"Ture Whakatikatika I Nga Ture Whenua Maori, 1899."
He Ture hei whakatikatika ano i te Ture e pa ana ki nga Whenua Maori.
Ka Meingatia Hei Ture e te Runanga nui o Niu Tireni e noho huihui ana i roto i te Paremete, i runga ano i tona mana, ara:—
1. | Te Ingoa Poto o tenei Ture ko "Te Ture Whakatikatika i nga Ture Whenua Maori. 1899." |
2. | I raro ano ia i nga tikanga o te tekiona wha o "Te Ture Whakatikatika i nga Ture Whenua Maori, 1895," i te mea e mahia ana e te Kawana i roto i tona Kaunihera tetabi ota i raro i nga tikanga o taua tekiona wha, hei whakaae kia moketeria tetahi whenua e te Maori whaitake, me ahei ki te wehe atu i taua whenua kia kaua e pangia e nga tikanga o te tekiona rima me te tekiona ono o taua Ture, o tetahi atu Ture ranei e mana ana i Niu Tireni nei mo runga mo nga whenua Maori mo nga whenua ranei e whaitake ana nga Maori, kia ahei ai te tangata whaitake ki te mokete i te whenua me te uru atu o te mana hoko ki roto ki te mokete ano he whenua na te pakeha te whenua e moketetia ana. |
3. |
I muri tonu iho i te mananga o tenei Ture ko nga whenua Maori me nga whenua e whaitake ana nga. Maori me nga whenua e puritia ana e nga Maori me kaua e taea te tuku ki te Karauna i runga i te hoko: Engari ko nga tuhituhinga whakaritenga whakaaetanga hoko ranei mo te taha ki a te Kuini mo aua tu whenua kua whakahuatia ake nei kua timataria i te wa e mana ai tenei Ture, me ahei ano te whakaoti aua hoko, mo nga whakaritenga anake i nga rohe me nga wehewehenga atu o nga paanga o te Karauna me nga Maori whaitake, ahakoa e anga ke ana nga tikanga o runga ake nei; a ko te tiwhikete a te Minita mo nga Mea Maori te tohu hei whakapono kua timataria tetahi whakaritenga whakaaetanga pera. |
4. | Mehemea e tau ana tetahi riana, tetahi taunaha ranei hei mokete hei whakaea mo nga utu ruri whenua Maori, me nga whenua e whaitake ana nga Maori, me nga whenua e puritia ana e nga Maori, a e mana ana kia whakaeangia i runga i te hoko i tuku ranei o aua tu whenua, kaua e whakamanaia taua hoko taua tuku ranei, kia matua page 2whakaaetia ra ano e te Kawana taua hoko tuku ranei, i runga i tana Ota o roto o tona Kaunihera; engari i te mea e whakaaetia ana e te Tino Tumuaki o nga Kai-wea e tika ana e rite ana ano nga utu e tonoa ana mo te ruritanga o te whenua, a kaore e whakaaetia ana te Ota o roto o te Kaunihera, kei reira ko taua riana, taunaha mokete ranei, i raro ano i nga tikanga o te Ture, me riro atu ki te Karauna. |
5. | Ko tenei Ture me whaimana tonu a pau noa nga ra kotahi tekau o muri atu o te ra whakamutunga o tera huihuinga o te Paremete, kei reira me mutu te mana o tenei Ture. |