Ture Whakamaroke Whenua.
He Ture hei Whakamaroke i nga Whenua Paamu me nga Whenua Haerenga Kararehe.
[6 o Oketopa, 1893.
Ka Meingatia Hei Ture e te Runanga Nui o Niu Tireni e noho huihui ana i roto i te Paremete, i runga ano i tona mana, ara:—
1. | Te Ingoa Poto o tenei Ture ko "Te Ture Whakamaroke Whenua, 1893." |
4. | Me pa tenei Ture ki nga whenua Maori katoa o roto o te koroni, pera ano me te pa atu ki era atu whenua e hara nei i te whenua Maori, engari me haere i raro i enei tikanga, ara—
(1.) | I te mea e hiahiatia ana kia tangohia he whenua Maori mo nga tikanga o tenei Ture, ma te Kawana e tango i runga i te mana o "Te Ture mo nga Mahi Nunui, 1882," kua whakatikaia nei ona tikanga e te tekiona tekau ma toru me te tekiona tekau ma wha o "Te Ture Whakatikatika 1887 i te Ture mo nga Mahi Nunui," me te tekiona tekau ma ono o "Te Ture Whakatikatika 1889 i te Ture mo nga Mahi Nunui"; a |
(2.) | Ko nga whenua Maori ka tika kia utu reiti mo nga tikanga o tenei Ture i raro i nga tikanga kua whakaritea i te Wahi II. o "Te Ture Whakatikatika 1893 i nga Ture Reiti," a ko nga whenua e kapea mai ana kia kaua e utu reiti me rite ano ki era e kapea mai ana i roto i taua Ture, engari—
(a.) | Ko nga whenua Maori kua whakataua nga take e te Kooti Whenua Maori, a ko te tangata e noho ana i runga pera me tera kua whakamaramatia ra te tikanga i te tekiona tekau ma tahi o taua Ture, he tangata Maori taua kainoho i runga i taua whenua, me kaua e reiti i tua atu o te hawhe o te utu e whakaritea ana hei utu reiti; a |
(b.) | Ko nga whenua Maori e hara nei i te tangata Maori taua kainoho i runga i taua whenua, me reiti mo te katoa o te utu reiti e whakaritea ana, ano e hara i te whenua Maori taua whenua. |
|
|