Niu Tireni.
Whakatau Rahui Atu Ki Te Kaute Kaunihera O
Waikouaiti.
1910, No. 13.
He Ture hei whakatau atu i tetahi Rahui, e karangatia nei ko te
Rahui Takarohanga o "Tiipi Hira," Waikouaiti, ki te Kaporeihana o te Kaute o Waikouaiti, hei Rahui Enataumeta.
Notemea ko te piihi whenua e whakaatu ake nei i roto i te Kupu Apiti ki tenei Ture i whakataua atu ki te Rori Poari o Waikouaiti i runga i te ritenga tiaki hei rahui takarohanga, kamanete hoki, mo nga tangata e noho ana i Waikouaiti: A notemea i runga i tetahi ota motuhake a te Kaute Kaunihera o Waikouaiti, i hangaia i te toru tekau o nga ra o Hune, kotahi mano e waru rau e waru tekau ma rua, i whakauruhia atu taua Takiwa Rori o Waikouaiti ki roto ki te Kaute o Waikouaiti: A notemea e tika ana kia whakataua atu taua piihi whenua ki te Kaporeihana o taua Kaute o Waikouaiti mo nga tikanga e huaina ake nei i raro:
No reira kua meinga hei ture e te Runanga Nui o Niu Tireni e noho huihui ana i roto i te Paremete, a i runga ano hoki i tona mana, ara:—
1. | Ko tenei Ture me hua ko te Ture Whakatau Rahui atu ki te Kaute Kaunihera o Waikouaiti, 1910. |
2. | Ko te piihi whenua e whakaatu ake nei i roto i te Kupu Apiti ki tenei Ture tenei kua whakataua atu e tenei Ture ki te Kaporeihana o te Tiamana, nga Mema Kaunihera, me nga tangata noho i roto i te Kaute o Waikouaiti hei enataumeta hei painga mo taua Kaute. |
Kupu Apiti.
Katoa tera piihi whenua kei roto i te Takiwa Whenua o Otakou, tona nui i runga i te ruritanga 1,131 eka 32 paati, nui atu iti iho ranei, ara he rahui kamanete kei roto i Poraka VIII me IX, Takiwa Ruri o Waikouaiti: ona rohe, whaka te haurarorawhiti ko Tekiona 9 me tetahi raina-rori, 2,602 ringiki; whaka te hauraro-rato ko taua raina-rori ano, 10,750 ringiki; whaka te rawhiti ko Tekiona 41 me 85, he raina-rori, Tekiona 91, 90, me 40, Poraka II, ko etahi raina-rori e rua, me tetahi wahi o Tekiona 1, Poraka I, o taua Takiwa Ruri kua kiia ake nei, 11,500 ringiki; whaka te tonga ko Tekiona 1, Poraka VIII, 3,199 ringiki; whaka te rato ko tetahi wahi o Tekiona 7 me Tekiona 8 ano hoki, 4,416 ringiki; whaka te tonga ano ko Tekiona 8 me 5 me tetahi raina-rori, 4,690 ringiki; whaka te rawhiti ano ko taua Tekiona 5, 1,690 ringiki; whaka te hauraro ko tetahi wahi o taua Tekiona 5, 2,813 ringiki; whaka te tonga-rawhiti he raina-rori, 1,152 ringiki; whaka te rawhiti ano ko Tekiona 7, 3,338 ringiki; whaka te hauraro ano ko taua Tekiona 7 me tetahi raina-rori, 2,307 ringiki; whaka te rawhiti ano ko Tekiona 1 and Te Whenua Karauna Poraka IX, 3,400 ringiki; whaka te hauraro ano ko taua Whenua Karauna, 3,199 ringiki; whaka te rawhiti ano ko tetahi wahi o Tekiona 18 me tetahi rainarori, Poraka I, 1,580 ringiki; whaka te tonga ano ko Tekiona 4, e wha nga rainarori, me tetahi rahui maina, Poraka IX, 7,500 ringiki; whaka te rato ano me te tonga-rato ano ko te awa o Waikouaiti (ara tona peka tonga), 6,650 ringiki me 26,300 ringiki, a e tapikipikitia ana hoki e etahi raina-rori e rima: nana ka neke atu ka hoki iho ranei aua ringiki katoa kua huaina ake nei: a e mau nei taua whenua te whakaatu i runga i te mapi kua whakatakotoria i roto i te Tari a te Tumuaki Kai-ruri i Tanitini.