1910, No. 10.
He Ture hei whakatakoto tikanga mo te Rahui o Kaiapoi.

Notemea ko te poraka whenua, tona nui e rua mano e ono rau e wha tekau eka, kei roto i te Takiwa Porowinitanga o Katapere e takoto ana, a e mohiotia ana ko te Rahui o Kaiapoi te ingoa, no te tau kotahi mano e waru rau e ono tekau ma rua me nga wa o muri iho, i raro i nga Ture e whakamana ana kia peratia, ka wehea a ka karaatitia atu hoki ki nga Maori e whai take ana ki taua whenua: A notemea ko nga Karauna Karaati i whakaputaina atu ki aua Maori i whakarite, inter alia, kia kaua tetahi tukunga o te whenua e uru ana ki taua Karaati i runga i te huarahi hoko, mokete, riihi, huarahi ke atu ranei, e mahia ki te kore i matua whakaaetia-a-tuhituhi i runga i tetahi kupu i tuhituhia iho ki runga ki taua pukapuka e te Kawana e tetahi atu tangata ranei i ata whakaturia e ia i ata whakamanaia ranei e te ture hei mahi pera: A notemea ko nga Maori no ratou taua whenua i raro i aua karaati me o ratou kai-riiwhi i roto i te taitara kua mahi—i etahi wa i muri mai i te whakaputanga o aua Karauna Karaati kua kiia ake nei—i etahi tuku-a-wira o te whenua i karaatitia i runga i te tikanga kua kiia ake nei, a kaore nei he kupu whakaae pera i tuhia ki runga: A notemea kua puta te kupu whakatau a te Hupirimi Kooti e ki ana kei te araitia atu aua tuku-a-wira e nga tikanga o nga karaati kua kiia ake nei, a kei te manakore hoki i runga i ta te tare; a i runga hoki i tana kupu whakatau kua whakahengia te whaimanatanga o nga taitara o etahi tangata kei a ratou nei i naianei etahi o aua whenua e pupuri ana, a kua timataria hoki he whakawa i roto i te Hupirimi Kooti mo runga i tena take: A notema e tika ana kia whakaturia he Komihana i raro i te Ture Komihana Uiui, 1908, hei uiui a hei ripoata hoki mo runga i nga tikanga e pa ana ki nga tuku-a-wira o ia o aua whenua, a mehemea hoki e tika ana kia whakamanaia etahi te page 2katoa ranei o aua tuku pera, a i roto hoki i tenei wa e takoto atu nei kia whakatarewatia nga tikanga whakahaere whakawa katoa kua timataria i naianei kua kiia ranei tera e timataria mo te taha ki aua tuku:

Na reira kua meinga hei ture e te Runanga Nui o Niu Tireni e noho huihui ana i roto i te Paremete, a i runga ano hoki i tona mana, ara:—

1.	Ko tenei Ture me hua ko te Ture mo te Rahui o Kaiapoi, 1910.
2.	Taea noatia te mutunga o te wa e mana ai tenei Ture ka pa enei tikanga e whai ake nei:— (a.) Katoa nga whakaarahanga whakawa, nga take whakawa, me era atu ahua whakahaerenga whakawa ranei kei te takoto i naianei i roto i tetahi Kooti e aro ake ana tona putaketanga o taua whakawa i runga i te korenga i whai mana o tetahi wira i tukuna atu ai tetahi o nga whenua tetahi wahi ranei o nga whenua kua huaina i runga ake nei i mahia i runga i te kore i matua riro mai te whakaaetanga a te Kawana, a tetahi tangata ranei i ata whakaturia e ia i ata whakamanaia ranei e te ture, ki taua tuku i runga i nga huarahi kua kiia ake nei, tenei kua whakatarewatia. (b.) Ko te whakatutukitanga o ia whakataunga kua oti nei te whakaputa mai mo runga i tetahi whakaarahanga whakawa pera, take whakawa pera, me ia atu ahua whakahaerenga whakawa pera ranei, tenei kua whakatarewatia. (c.) Kaua tetahi mana tomo-atu-ano e whakatutukitia mo te taha ki tetahi whenua pera mo runga i te kiinga kei te manakore tetahi o aua wira kua kiia ake nei. (d.) I ia whakaarahanga whakawa, take whakawa, me ia atu ahua whakahaerenga whakawa ranei e timataria ana a muri atu i te paahitanga o tenei Ture, a e whakahengia nei i roto i taua whakawa te whai manatanga o tetahi wira pera i runga i nga huarahi kua kiia ake nei, me whakaputa he whakataunga kia pera ano me te mea nei kaore he whakaaetanga a te Kawana a tetahi atu ranei o nga tangata kua kiia ake nei ki taua wira i whakahaungia e te ture kia whakaputaina.
3.	Ka ahei te Kawana i roto i tona Kaunihera ki te whakatu i tetahi Komihana i raro i te Ture Komihana Uiui, 1908, hei uiui a hei ripoata hoki mo runga i nga tikanga e pa ana ki nga tuku-a-wira o ia o aua whenua kua huaina i runga ake nei me nga whakahaerenga tikanga o muri mai nei e pa ana ki aua whenua, a mehemea hoki e tika ana kia whakamanaia etahi te katoa ranei o aua wira me etahi me te katoa ranei o nga tuku kua mahia e aua wira.
4.	(1.) Taea noatia te mutunga o te wa e mau ai te mana o tenei Ture, ko nga moni reti katoa tera e tau hei utunga i roto i taua wa mo runga i ia wahi o taua Kaiapoi Rahui e keremetia ana e puritia ana ranei e tetahi tangata i raro i tetahi tuku-a-wira o taua wahi me utu atu ki te Kaitiaki o te Katoa e te tangata e tau ana maana aua moni reti e utu.page 3 (2.) Nga moni katoa e utua peratia mai ana ki te Kaitiaki o te Katoa ka noho hei wahi mo te kaute huihui a te Tari o te Kaitiaki o te Katoa, me aua moni me nga itareti katoa ano hoki e hua ana i runga me purpuri e te Kaitiaki o te Katoa i runga i te tikanga tiaki mo te taha ki nga tangata me nga tikanga ano hoki tera e whakaaturia e tetahi Ture o te Runanga Nui a muri ake nei paahitia ai mo tera take. (3.) Ka whiwhi te Kaitiaki o te Katoa i taua mana nei ano ki te tono kia utua mai ki a ia aua moni reti i runga i tetahi whakaarahanga whakawa, warati muru, huarahi ke atu ranei, i runga i tona ingoa ake ano tonu me te mea nei nona ake te whenua mo reira nei aua moni reti e tau ana hei utunga.
5.	Ka mau tonu te whai manatanga o tenei Ture tae noa ki te toru tekau ma tahi o nga ra o Tihema, kotahi mano e iwa rau tekau ma tahi, a kaore ki ko atu.