| 1. | Ko tenei Ture me hua ko Te Ture Whakatikatika Reititanga, 1910, a me panui tahi raua ko—me ki hoki he wahi no—Te Ture Reiti, 1908 (a muri ake nei huaina ai ko te tino Ture). |
| 2. | I roto i tenei Ture, ki te kore e ata marama kei te takoto ke atu i tena te whakaaro, ko nga kupu nei "whenua Maori," "whenua whiriihoura Maori," "whenua papatupu," "whenua Pakeha," me "Maori," tona tikanga ko te tikanga ano o ana kupu e mau nei i roto i te Ture Whenua Maori, 1909. |
| 3. |
| (1.) | Ko nga whenua papatupu ka watea atu i te reiti. |
| (2.) | I tua atu i nga tikanga kua whakatakotoria ketia e tenei Ture, ko nga whenua whiriihoura Maori ka tau kia reitingia a ka ekengia hoki e nga tikanga o te tino Ture pera ano me nga whenua Pakeha. |
|
| 4. | Mehemea he whenua whiriihoura Maori kua tau atu ki tetahi Poari Whenua Maori ki te Kaitiaki ranei o te Katoa e kore te Poari te Kaitiaki o te Katoa ranei e tau kia utu i etahi reiti mo taua whenua e neke atu ana i nga moni rewenui i tuturu riro mai ki te Poari ki te Kaitiaki o te Katoa ranei i runga i taua whenua i roto i te wa i tau ai aua reiti hei utunga, a i roto hoki i tetahi toru tau i muri iho i te wa i tau ai aua reiti hei utunga. |
| 5. |
| (1.) | Ka ahei te Kawana, i ia wa i ia wa i runga i te Ota Kaunihera, ki te whakakape atu i tetahi whenua Maori e tau ana hei utu reiti kia watea atu i te katoa i tetahi wahi ranei i ata whakahuatia o aua reiti, me ia Ota Kaunihera pera ka ahei kia pa ki tetahi whenua ranei i ata whakaingoatia mo runga i te rawakore o nga tangata e noho ana i runga, mo tetahi atu take motuhake ranei, ki tetahi karaahi whenua ranei i ata whakaingoatia.page 2.gif) |
| (2.) | E kore tetahi whakakapenga pera e pa atu ki tetahi reiti no mua atu nei i whakataua ai e tetahi mana takiwa. |
| (3.) | Ia whakakapenga pera ka ahei i nga wa katoa kia whakarereketia kia whakakorea atu ranei i runga i tetahi Ota Kaunihera. |
| (4.) | Nga whakakapenga katoa kua karaatitia i mua atu—a kei te mana tonu i raro i tekiona iwa tekau o te tino Ture—i te paahitanga o tenei Ture ka mau tonu te whai mana me te whaitutukitanga kia oti ra ano te whakarereke te whakakore atu ranei e tetahi Ota Kaunihera i raro i tenei Ture. |
| (5.) | Ahakoa tetahi kupu i roto i tenei tekiona, e kore tetahi whenua kua whakakapea atu e nga wahanga-tekiona i runga ake nei e whakakapea kia kaua e tau hei utu reiti motuhake. |
|
| 6. | Mehemea he whenua Maori, ahakoa te takoto ketanga o tetahi kupu i roto i te tino Ture, a mehemea kaore ona kai-noho o taua whenua i runga i te tikanga o taua Ture i tua atu i te tangata nona, hei reira ka kiia ko te tangata tonu e noho ana i runga te kai-noho o taua whenua mo runga i nga tikanga katoa o te tino Ture me tenei Ture, ahakoa e noho ana ia i runga i taua whenua i runga i tetahi tenatatanga mo tetahi wa kua whakaritea i runga ranei i tetahi whakaaetanga i tetahi atu huarahi ranei ahakoa pewhea, a ahakoa ano hoki tana noho i runga i taua whenua he noho tika ranei he noho he ranei i te aroaro o te ture. |
| 7. |
| (1.) | Mehemea he whenua Maori no etahi tangata huihui ka rite mehemea ka whakaurua ki te rarangi o nga tangata nona i te rouru wariutanga nga ingoa o etahi tangata tokorua maha atu ranei o nga tangata no ratou huihui hei tinanatanga mo aua tangata katoa no ratou te whenua, engari ki te peratia ko aua ingoa i whakaurua peratia me whakauru me te apiti tahi atu i enei kupu na "hei tangata Maori no ratou i whakaingoatia." |
| (2.) | Mehemea nga tangata no ratou huihui tetahi whenua Maori ko ratou tonu ano nga kai-noho o taua whenua ka rite mehemea ka whakaurua ki te rarangi o nga kai-noho i te rouru wariutanga nga ingoa o etahi tangata tokorua maha atu ranei o aua kai-noho hei tinanatanga mo aua kai-noho katoa, engari ki te peratia ko aua ingoa i whakaurua peratia me whakauru me te apiti tahi atu i enei kupu na "hei kai-noho Maori i whakaingoatia." |
| (3.) | I roto i tenei Ture ko tenei kupu nei "rouru wariutanga" e uru tahi ana ki taua kupu te rouru takiwa wariutanga i raro i te Ture Wariu Whenua, 1908, me te roru wariutanga a te mana takiwa i raro i te tino Ture. |
| (4.) | Ia rarangi ingoa o nga tangata no ratou i whakaingoatia o nga kai-noho ranei i whakaingoatia ka ahei i ia wa i ia wa kia apititia atu ano he ingoa kia whakarereketia ranei i runga i ta te Kai-Wariu Tianara (i nga takiwa e mana ana te tikanga whakatautau reiti i runga i te wariu i ia tau kotahi) i ta te mana takiwa ranei e mahara ai e tika ana. |
| (5.) | Mehemea he whenua Maori kei roto i te takiwa o tetahi Poari Whenua Maori ka ahei te Perehitini o taua Poari, a i era atu ahua whenua Maori katoa ka ahei tetahi Tiati o te Kooti Whenua Maori, i ia wa i ia wa ki te tuku atu ki te Kai-wariu Tianara ki te mana takiwa ranei, ano i tupono ki tewhea o raua, i tetahi tono-a-tuhituhi kia apititia atu he ingoa ki—kia whakarereketia ranei— page 3.gif) tetahi rarangi ingoa o nga tangata no ratou i whakaingoatia o nga kai-noho ranei i whakaingoatia, a ina tae atu ki a ia tetahi tono pera ka ahei te Kai-wariu Tianara te mana takiwa ranei ki te whakahaere kia tutuki ai nga kupu o taua tono ahakoa kaore he uiuinga i ko atu. |
|
| 8. |
| (1.) | Mo runga i nga tikanga katoa o te tino Ture me tenei Ture ko nga tangata no ratou i whakaingoatia nga kai-noho ranei i whakaingoatia kua huaina ake nei ka kiia ko ratou te whakatinanatanga mai o nga tangata katoa no ratou te whenua o nga kai-noho katoa ranei, a na reira hoki ia tono kia utua he reiti ka ahei kia hoatu kia ratou ki tetahi tangata kotahi ranei o ratou, a hei reira hoki ka kiia mo runga i nga tikanga katoa kua hoatu taua tono ki nga tangata katoa no ratou te whenua ki nga kai-noho katoa ranei. |
| (2.) | I ia tono whakawa kia utua mai nga reiti kua tau hei utunga ma nga tangata no ratou—kei a ratou ranei e nohoia huihuitia ana—tetahi whenua Maori ka ahei tetahi tangata kotahi nga mea maha atu ranei o nga tangata i whakaingoatia no ratou taua whenua ko ratou ranei nga kai-noho o taua whenua kia hamenetia hei tinanatanga mo te katoa o aua tangata no ratou kei a ratou ranei e nohoia ana taua whenua, me ia whakataunga pera i riro mai ki runga ki tetahi tangata nona—kai-noho ranei o—taua whenua ka kiia mo runga i nga ahuatanga take katoa he whakataunga tera ki runga ki nga tangata katoa nona—ki nga kai-noho katoa ranei o—taua whenua. |
|
| 9. |
| (1.) | Mehemea he Poari Whenua Maori te hunga nona—te kai-noho ranei o—tetahi whenua Maori me tuhituhi te ingoa o taua Poari ki roto ki te rarangi e tika ana hei peratanga o te Rouru Wariutanga i runga i tera aronga. |
| (2.) | Nga mana pooti katoa e ahei ana kia whakatutukitia e te Poari i te mea ko ia te tangata nona—te kai-noho ranei o— taua whenua, ka ahei kia whakatutukitia mo te taha ki taua Poari e te Perehitini o taua Poari e tetahi mema ranei o taua Poari i whakaturia e taua Poari hei mahi pera, a ka ahei ano hoki kia whakatutukitia peratia e taua tangata i tua atu i tera atu mana pooti tera e whiwhi ana ki a ia i runga i tona ake tika. |
|
| 10. |
| (1.) | Mehemea he ropu kaporeihana o nga tangata nona te whenua i whakaturia i raro i Wahi XVII o te Ture Whenua Maori, 1909, te hunga nona—te kai-noho ranei o—tetahi whenua Maori me tuhi te ingoa o taua ropu kaporeihana ki roto ki te rarangi e tika ana hei peratanga o te Rouru Wariutanga i runga i tera aronga. |
| (2.) | Nga mana pooti katoa e ahei ana kia whakatutukitia e te ropu kaporeihana i te mea ko ia te tangata nona—te kai-noho ranei o—taua whenua, ka ahei kia whakatutukitia mo te taha ki taua ropu kaporeihana e tetahi tangata i whakaturia hei mahi pera e te komiti whakahaere. |
|
| 11. |
| (1.) | Nga tangata no ratou huihui tetahi whenua Maori e kore e tau ma ia o ratou e utu te katoa o nga reiti e tau ana hei utunga mo runga i taua whenua, engari ka tau ma ia o ratou e utu i tona wahi o te huihuinga katoatanga o taua reiti e hangai tika ana ki te wariu o tona ake paanga i roto i te wariu huihui o nga paanga katoa o nga tangata katoa no ratou taua whenua.page 4.gif) |
| (2.) | Ahakoa tetahi kupu i roto i tenei tekiona, ko nga reiti e tau ana hei utunga mo runga i nga whenua Maori ka ahei kia tonoa atu a kia hamenetia atu hoki ano tonu me te mea nei e tau ana hei utunga ma ia o nga tangata no ratou huihui taua whenua. |
| (3.) | la whakataunga i riro pera mai ka mana a ka taea hoki te whakatutuki hei whakataunga motuhake ki runga ki ia o nga tangata nona te whenua mo te taha ki tona ake wahi e tau ana hei utunga mana o te huihuinga katoatanga o taua reiti i runga i te tikanga kua whakaritea e tenei tekiona, hui atu hoki ki tona wahi pera ano o nga moni i pau i te whakawakanga. |
| (4.) | Mehemea—a mo te taha anake hoki ki—nga hea o nga tangata no ratou tetahi whenua Maori kaore ano i whakatautaua, ko aua hea mo runga i nga tikanga o tenei tekiona ka kiia he hea riterite tonu. |
|
| 12. |
| (1.) | Mehemea tetahi o nga tangata no ratou huihui tetahi whenua Maori kua utu atu ki tetahi mana takiwa mo te taha ki nga reiti e tau ana hei utunga mo runga i taua whenua, mo te taha ranei ki nga moni i pau i ia whakahaerenga whakawa kia utua mai ia o aua reiti, i tetahi moni e neke atu ana i nga mea e tau ana hei utunga mana ake i runga i te aronga kua whakaritea e te tekiona mutunga i runga ake nei ka ahei ia te tono atu kia utua mai ano ki a ia e ia atu tangata nona te whenua taua moni i hipa ake nei i a ia te utu atu, tona wahi ranei o taua moni kaore e neke atu ana i te wahi e tau ana hei utunga ma ia o era atu tangata no ratou te whenua i runga i nga tikanga kua kiia ake nei. |
| (2.) | Nga moni katoa e ahei ana te tono atu kia utua peratia mai ka tau hei tiaati tika ki runga ki te whenua, me taua tiaati hoki, ina tonoa atu e tetahi tangata e tika ana kia whiwhi i tona painga, ka taea te whakatutuki e te Kooti Whenua Maori i runga i nga huarahi kua whakatakotoria e tekiona tekau ma rima o tenei Ture mo te taha ki nga tiaati kua rehitatia ki runga ki nga whenua Maori e tetahi mana takiwa, me nga tikanga katoa o tekiona tekau ma rima, tekau ma ono, me tekau ma whitu o tenei Ture, ara ona wahi e ahei ana, ka pa atu i runga i tera aronga. |
| (3.) | I runga i te kore whakawhaiti i tetahi wahi o nga mana o tetahi rihiiwa i whakaturia mo te taha ki tetahi tiaati i raro i tenei Ture, ka ahei taua rihiiwa ki te karaati riihi atu o te whenua e tiaatingia ana o tetahi wahi ranei o taua whenua ki ia tangata e tika ana kia whiwhi i te painga o taua tiaati. |
|
| 13. | Ahakoa tetahi kupu i roto i tekiona whitu tekau ma tahi o te tino Ture, ka ahei kia whakaputaina atu he whakataunga mo nga reiti e tau ana hei utunga mo runga i tetahi whenua Maori ki runga ki ia tangata nona—ki ia kai-noho ranei o—taua whenua i ia wa i roto i nga tau e toru i muri iho o te wa i tau tuatahi ai aua reiti hei utunga. |
| 14. |
| (1.) | Mehemea kua riro mai he whakataunga i muri i te paahitanga o tenei Ture, ki runga ki te tangata ki nga tangata ranei nona tetahi whenua Maori mo te taha ki nga reiti e tau ana hei utunga mo runga i taua whenua, me taua whakataunga kaore ano i tino tutuki te whakarite i roto i te marama kotahi i muri o te ra i whakataua ai ka ahei taua whakataunga kia rehitatia ki runga ki taua whenua i runga i nga tikanga o tenei tekiona, me nga moni i whaka-page 5.gif) taua ai hei reira tonu tan atu ai hei tiaati ki runga ki te whenua e ahei ana kia whakatutukitia i runga i nga tikanga e mau ake nei i roto i tenei Ture mo tera mahi. |
| (2.) | Mo runga i nga tikanga o taua rehitatanga ma te mana takiwa e tau ana kia utua ki a ia aua reiti e tuku atu ki te Kai-rehita Takiwa Whenua ki te Kai-rehita Tiiti ranei, ano i tupono ki tewhea o raua, o te takiwa kei reira nei e takoto ana taua whenua he tiwhikete i runga i te poama Nama (1) i te Kupu Apiti Tuatahi ki tenei Ture, i tetahi mea pera te ahua ranei. |
| (3.) | Ina tae atu ki a ia tetahi tiwhikete pera, me te moni whii hoki kotahi hereni i te taha, me rehita e te Kai-rehita Takiwa Whenua e te Kai-rehita Tiiti ranei ki runga ki te taitara o taua whenua he kupu e whakaatu ana i taua whakataunga. |
| (4.) | Ia rehitatanga pera ka ahei i nga wa katoa i muri iho kia whakakorea atu — a kaua he moni whii e utua—e te Kai-rehita Takiwa Whenua e te Kai-rehita Tiiti ranei ina tae atu ki a ia he kupu e whakaatu ana kua ea taua take i runga i te poama Nama (2) i te Kupu Apiti Tuatahi ki tenei Ture, i tetahi mea pera te ahua ranei. |
|
| 15. |
| (1.) | He tiaati i rehitatia peratia ki runga ki tetahi whenua Maori ka ahei kia whakatutukitia ki runga ki te whenua i runga i nga tikanga o tenei tekiona, kaore i tetahi huarahi ke atu. |
| (2.) | Ka ahei kia tonoa, ex parte ranei pewhea ranei, e—mo te taha ranei ki—te mana takiwa ki te Kooti Whenua Maori kia whakatutukitia taua tiaati, a hei reira ka ahei te Kooti, i runga i nga tikanga rue nga ritenga e maharatia ana e ia e tika ana, ki te—
| (a.) | Whakatu i tetahi Poari Whenua Maori, i te Kaitiaki o te Katoa ranei, i tetahi atu tangata ranei hei rihiiwa (ara hei tango) i nga moni reti me nga painga e hua mai ana o te whenua e ekengia ana e taua tiaati, o tetahi wahi ranei o taua whenua; ranei |
| (b.) | Ki te hanga ota-whakatau atu e hoatu ana i taua whenua, i tetahi wahi ranei ona, kia tau atu ki tetahi Poari Whenua Maori ki te Kaitiaki ranei o te Katoa i runga i te tikanga tiaki hei hoko. |
|
| (3.) | Kaore e ahei kia tukua atu he piira ki te Aperata Kooti Maori mo runga i tetahi ota i mahia peratia. |
| (4.) | Ia ota i mahia peratia ka ahei i nga wa katoa kia whakare-reketia, kia whakakorea atu, kia whakakapia ranei e te Kooti Whenua Maori; engari e kore tetahi whakarereketanga pera, whakakorenga atu, whakakapinga pera ranei o tetahi ota e pa atu ki tetahi mahi i mahia tikatia i mua atu i runga i ta te ture i runga i te tikanga o taua ota, e whakamanakore ranei i tetahi kanataraka i mahia tikatia i mua atu i runga i ta te ture mo te taha ki te whenua mo reira nei taua ota. |
| (5.) | Ia ota i mahia i raro i tenei tekiona ka ahei kia rehitatia ki runga ki te taitara o te whenua i raro i te Ture Whakawhiti Whenua, 1908, pera ano me tetahi ota i mania e te Kooti Whenua Maori i raro i te Ture Whenua Maori, 1909. |
| (6.) | Ka ahei kia mahia he ota e te Kooti Whenua Maori i raro i tenei tekiona ahakoa kua mutu atu tona whenua-maoritanga i muri iho o te rehitatanga o taua tiaati. |
page 6.gif) |
| 16. |
| (1.) | Ia rihiiwa i whakaturia peratia ka whiwhi i aua whaimanatanga nei ano, me aua kaha, me aua taumahatanga nei ano e whiwhi nei ki tetahi rihiiwa i whakaturia i raro i tekiona toru tekau ma tahi o te Ture Whenua Maori, 1909, me nga tikanga katoa o taua Ture mo te taha ki nga rihiiwa ka pa atu—ara ona wahi e hangai ana—i runga i tera aronga. |
| (2.) | Katoa nga moni reti me nga hua e riro mai ana ki roto ki nga ringa o tetahi rihiiwa pera, ina utua atu o roto ana moni costs, nga moni i whakapaua e ia, me te utu mona, hui atu hoki ki nga moni katoa e tau ana kia utua wawetia atu i roto o aua moni i mua atu i taua tiaati, me whakapau e ia i ia wa i ia wa hei whakaea atu i taua tiaati a hei utu hoki i nga reiti katoa e tau ana i ia wa i ia wa hei utunga mo runga i te whenua e tiaatingia ana; me nga toenga o aua moni ka tau hei utunga atu ki nga tangata no ratou te whenua me nga tangata katoa ano hoki e whai-paanga atu ana ki reira i runga i te aronga o o ratou whaitaketanga me o ratou paanga. |
|
| 17. |
| (1.) | Ina rnahia he ota i raro i tenei Ture e whakatau atu ana i tetahi whenua ki tetahi Poari Whenua Maori ki te Kaitiaki o te Katoa ranei hei reira taua whenua ka tino tau atu ki te Poari ki te Kaitiaki ranei o te Katoa i runga i tera aronga i raro ano i nga taumahatanga katoa me era atu whaitaketanga e pa ana ki taua whenua a e whai matamuatanga atu ana i taua tiaati. |
| (2.) | Ma te Poari ma te Kaitiaki o te Katoa ranei e pupuri te whenua i runga i te tikanga tiaki hei hoko atu i taua whenua i runga i te kanataraka paraiwete, i runga ranei i te makete e puare ana ki te katoa, i te tena ranei, a hei rota kotahi ranei hei whenua wehewehe ranei. |
| (3.) | Nga moni katoa i riro mai i runga i te hokonga atu o taua whenua, ina mutu te utu atu o roto nga moni costs nga moni i whakapaua, me te utu mo te Poari mo te Kaitiaki o te Katoa ranei, me whakahaere hei whakaea atu i te tiaati; me nga toenga o aua moni ka tau hei utunga atu ki nga tangata no ratou te whenua me nga tangata katoa ano hoki e whaipaanga atu ana ki reira i runga i te aronga o o ratou whaitaketanga me o ratou paanga. |
|
| 18. | Tekiona whitu tekau ma rua, whitu tekau ma toru, whitu tekau ma wha, me whitu tekau ma rima o te tino Ture kaore rawa e pa atu ki nga whenua Maori ki nga reiti ranei e tau ana hei utunga i runga. |
| 19. | Kaua rawa tetahi kupu o roto i tenei Ture e kiia kei te pa atu ki nga tikanga me nga whaimanatanga o tekiona tahi rau ma waru o te Tino Ture. |
| 20. | Ahakoa tetahi kupu i roto i tenei Ture, ia whakataunga i riro mai i mua atu i te paahitanga o tenei Ture mo te taha ki nga reiti e tau ana hei utunga mo runga i te whenua Maori ka ahei kia whakatutukitia i runga i aua huarahi nei ano, a i runga hoki i nga aronga katoa ka rite tonu te tikanga me te whaimanatanga ano tonu me te mea nei kaore tenei Ture i paahitia. |
| 21. | Kua whakatikatikaina te tino Ture e tenei Ture i runga i nga ahuatanga e whakaatu ake nei i roto i te Kupu Apiti Tuarua ki tenei Ture. |
| 22. |
| (1.) | Tekiona rua o te tino Ture kua whakatikatikaina e tenei Ture, ara kua whakakorea atu a rarangi (d) me (e) o te page 7.gif) whakamaoritanga o nga kupu nei "whenua (taonga ranei) e tau ana hei reititanga," a kua hoatu hei whakakapi ko enei kupu e whai ake nei:—
| "(d.) | Nga whenua me nga whare e whakamahia ana mo nga tikanga o tetahi kura mo te katoa, kura Maori, kura tuarua, kura ako mahi-a-ringaringa, karaahi ako mahi-a-ringaringa ranei, i runga i te aronga o aua kupu e whakaatu ake nei i te Ture mo nga Kura, 1908. Mo runga i te tikanga o tenei whakakapenga, he whare i whakaritea e tetahi Poari Kura mo tetahi kai-whakaako kura ka kiia kei te whakamahia mo nga tikanga o tetahi kura mo te katoa." |
|
| (2.) | Tekiona rua o te tino Ture tenei kua whakatikatikaina ano e tenei Ture, ara kua whakakorea atu a rarangi (e) o te whakamaoritanga o enei kupu nei "wariu reititanga." |
|
| 23. |
| (1.) | "Te tekau ma rima o nga ra o Hanuere" kua hoatu hei riiwhi mo" te tekau ma rima o nga ra o Pepuere" i wahangatekiona wha o tekiona whitu o te tino Ture. |
| (2.) | "Te tekau ma rima o nga ra o Pepuere" kua hoatu hei riiwhi mo "te tekau ma rima o nga ra o Maehe" i tekiona tekau ma iwa o te tino Ture. |
| (3) | Nga wahanga-tekiona i runga ake nei, o tenei tekiona, ka timata te whai mana i te tahi o nga ra o Hanuere, kotahi mano e iwa rau tekau ma rua. |
| (4.) | Tekiona tekau ma iwa o te tino Ture kua whakatikatikaina ano e tenei Ture, ara kua whakauruhia atu i muri o te kupu nei "kai-whakahe," enei kupu na "a tona roia ranei a tona kai-whaka-haere ranei i ata whakaturia." |
|
| 24. |
| (1.) | Ka ahei te Kawana i ia wa i ia wa, i runga i te tono a tetahi mana takiwa, ki te whakatu i etahi tangata tokorua hei mema mo te Atehimete Kooti, i tua atu i te Tiati o taua Kooti e whakahuatia nei i roto i tekiona rua tekau ma toru o te tino Ture. |
| (2.) | Kia kotahi o aua tangata me whakatu i runga i te kupu tohutohu a te mana takiwa. |
| (3.) | Kaua tetahi mema o te mana takiwa e whakaturia kia tu hei mema mo te Atehimete Kooti. |
| (4.) | Nga mema tokorua i whakaturia peratia i runga i nga huarahi kua kiia ake nei me utu e te mana takiwa ki nga moni whii tika me era atu moni tera e whakaritea e te mana takiwa. |
| (5.) | Ko te whakatakotoranga o tetahi kape o tetahi panui ki te katoa o tetahi perehitanga whakaaturanga ranei ki te katoa e whakahua ana i nga ingoa o nga mema e tu hei Kooti ka ai hei tohu prima facie ko nga mema o te Kooti i whakaturia peratia kua ata whakaturia a kei te whai mana hoki. |
|
| 25. | He hainatanga ki tetahi tono utu reiti ka kiia i ata hainatia i raro i tekiona rima tekau ma whitu o te tino Ture, ahakoa he mea perehi, he mea taiparaiti, he mea ritokarawhe, he mea taa ki te taapa, he mea hanga ranei i runga i tetahi atu huarahi i tua atu i te ringa tangata. |
| 26. | Mehemea ka hangaia e tetahi mana takiwa kia maha atu i te kotahi he reiti i runga i te kaupapa o te wariu reititanga kotahi nei ano, ka ahei kia tuhituhia te huihuinga o aua reiti katoa ki roto ki page 8.gif) te pukapuka-reiti hei riiwhi mo te tuhituhinga wehewehetanga o ia o ana reiti ki roto ki taua pukapuka. |
| 27. | Te mana ki te whakakore reiti kua whakawhiwhia atu nei e tekiona ono tekau ma iwa o te tino Ture ka ahei kia whakahaerea mehemea he reiti mo runga i tetahi whenua whakakitekite taonga (show-grounds) kua tau atu ki—kei raro ranei i te mana o—tetahi ropu tiri whenua whakatuputupu taonga hoki kua oti te rehita (registered agricultural and pastoral society), a mehemea hoki he reiti mo runga i tetahi whenua e puritia ana e tetahi ropu tangata mo runga anake mo nga tikanga o tetahi mahi takaro marae (outdoor sports), a e hara nei i te mea hei whakawhiwhi painga moni mai. |
| 28. |
| (1.) | Ka ahei kia apititia atu ano tetahi tiaati kia tekau paiheneti ki nga reiti katoa kaore ano i utua i te paunga o nga marama e ono me nga ra tekau ma wha i muri iho i te ra i tonoa atu ai kia utua, a ka tau hoki hei utunga hei tononga atu hoki kia utua i runga i tera aronga: engari ko taua tiaati apiti tekau nei paiheneti e kore e ahei te tono atu kia utua kia panuitia atu ra ano ki te katoa e tetahi mana takiwa tera e apititia atu taua tiaati. |
| (2.) | Tekiona whitu tekau o te tino Ture kua whakakorea atu e tenei Ture. |
|
| 29. |
| (1.) | Mehemea ka huihuia etahi paro e rua maha atu ranei kia kotahi ko te tikanga reititanga e mana ana i roto i te mea o ana paro i tokomaha ona tangata ka waiho koiana hei tikanga reititanga mo te paro huihui. |
| (2.) | Ka pa tenei tekiona ki ia paro huihui, ahakoa no mua atu no muri iho ranei i te paahitanga o tenei Ture i huihuia ai. |
|
.jpg)
te pukapuka-reiti hei riiwhi mo te tuhituhinga wehewehetanga o ia o ana reiti ki roto ki taua pukapuka.
ratou te whenua Maori e whakaaturia ake nei i te Kupu Apiti ki tenei mo nga toenga reiti e tau ana hei utunga mo runga i taua whenua ki te [tuhia iho te ingoa e te mana takiwa] kua ata whakaeangia. A tenei hoki koe kua ata whakahaua kia whakakorea atu e koe te rehitatanga o taua whakataunga hei tiaati ki runga ki taua whenua i runga i nga tikanga o te Ture Whakatikatika Reititanga, 1910.