e te Runanga Nui o Niu Tireni e noho huihui ana i roto i te Paremete, a i runga ano i tona mana, ara:—
1. | Ko tenei Ture me hua ko te Ture Whakatikatika i te Ture Purotu, 1910, a ka waiho hei wahi mo—a me panui tahi hoki raua ko—te Ture Purotu 1908 (a muri ake nei huaina ai ko te tino Ture). |
2. | I roto i tenei Ture me te tino Ture ko nga kupu nei "Whenua Maori" me "Maori" tona tikanga e pera ana me te tikanga o aua kupu i roto i te Ture Whenua Maori, 1909. |
3. | Ko tekiona rua o te tino Ture kua whakatikatikaina e tenei Ture i runga i enei ahuatanga e whai ake nei, ara:—
(a.) |
Kua whakakorea atu te whakamaoritanga o te kupu nei "whenua Karauna" a kua hoatu hei whakakapi mo tera tenei whakamaoritanga e whai ake nei:—
"'Whenua Karauna' tona tikanga e pera ana me te tikanga o taua kupn i roto i te Ture mo nga Mahi Nunui, 1908":
|
(b.) |
Kua whakakorea atu te whakamaoritanga o te kupu nei "whenua paraiwete," a kua hoatu hei whakakapi ko tenei whakamaoritanga e whai ake nei:—
"'Whenua paraiwete' tona tikanga ko ia ahua whenua e hara nei i te whenua Karauna, a e uru ana ki taua kupu nga whenua Maori me nga whenua Karauna katoa no mua i rahuitia ai mo tetahi take ahakoa pewhea e pa ana mo te iwi katoa, ahakoa taua whenua i rahuitia peratia kua tau atu ki etahi Kaitiaki ki tetahi ropu kaporeihana ranei kaore ranei."
|
|
4. |
(1.) | Ko wahanga-tekiona tahi o tekiona toru o te tino Ture kua whakatikatikaina e tenei Ture, ara kua whakauruhia atu i muri page 2o enei kupu na "Te Kai-whakahaere Tianara (General Manager) o te Tari mo nga Turihi me nga Wahi e Haerengia ana mo te Ora," enei kupu na "Te Hekeretari o te Tari Maori." |
(2.) | Kua whakatikatikaina ano taua tekiona toru, ara kua apitititia atu tenei wahanga-tekiona e whai ake nei:— |
"(3.) | Ko te Kai-ruri Tianara hei Tiamana mo te Poari, ranei ki te ngaro atu ia i tetahi huinga o te Poari ma nga mema o te Poari e noho ana i reira e pooti i tetahi o ratou hei Tiamana mo taua huinga. Kia tokotoru nga mema o te Poari ka whai korama i ia huinga o te Poari." |
|
5. | Ko tekiona tekau o te tino Ture kua whakatikatikaina e tenei Ture, ara kua apititia atu enei kupu e whai ake nei: "a mehemea tera tetahi taiepa, i runga i te tikanga o taua kupu i te Ture Taiepa, 1908, i whakaturia i raro i te mana o te Minita ki runga ki te rohe wahanga o tetahi whenua rahui me te whenua e hono mai ana ki reira, ko te kai-uoho o taua whenua e hono mai ana ka tau, ahakoa te takoto ketanga o tetahi kupu i roto i taua Ture, kia utu i te tino hawhe o nga moni i pau mo te whakaarahanga me te tiakitanga o taua taiepa, me taua hawhe o ana moni i pau ka ahei kia tonoa atu kia utua mai e ia i roto i tetahi Kooti whai mana e te Komihana mo nga Whenua Karauna o te takiwa kei reira nei taua whenua e takoto ana." |
6. |
(1.) |
Ko tekiona tekau ma rima o te tino Ture kua whakatikatikaina e tenei Ture, ara kua whakauruhia atu i muri o rarangi (b) tenei rarangi e whai ake nei:—
"(bb.) E whakapaku ana i tetahi pu i runga, e patu ana i tetahi manu i tetahi keemu Maori keemu whakanoho ranei i runga i taua whenua; ranei".
|
|
7. |
(1.) | Ka ahei te Kawana i ia wa i ia wa, i runga i te panui i roto i te Kahiti, ki te whakawhiwhi mana atu ki nga Maori ki te hopu manu ki te patu manu ranei kaore nei e ata manaakitia ana i taua wa, i roto i tetahi rahui he whenua Maori nei taua wahi i mua atu o tona rahuitanga o tona tangohanga ranei, ranei, mehemea e uru ana he urupa no nga tupuna Maori ki tetahi rahui pera, lie mana ki te tanu tupapaku Maori ki roto. |
(2.) | Katoa nga whai manatanga i karaatitia peratia atu ka ahei i nga wa katoa a muri atu kia unuhia atu kia whakarereketia ranei e te Kawana i runga i te panui i roto i te Kahiti. |
|
8. | Mehemea tetahi rahui i runga i te whakangaromanga atu o te ngaherehere o runga i runga ranei i tetahi take ke atu kua mutu atu tona whai tikangatanga, ki ta te Kawana whakaaro, mo nga tikanga purotu, ka ahei ia i runga i tetahi Panui ki te whakakore atu i taua rahuitanga, a hei muri atu ka ahei taua whenua kia tukuna atu ano metemea nei he whenua Karauna i raro i te Ture Whenua, 1908, me nga moni i ata toe mai o nga mea i riro mai i runga i taua tukunga atu me whakahaere anake hei hoko mai i etahi atu whenua hei rahui i raro i te tino Ture. |
9. | Ka ahei te Kawana ki te karaati riihi atu o, raihana noho ranei i runga i, etahi wahi mama wahi ranei kua oti te tua o tetahi rahui mo etahi wa kaua e roa atu i te rima tau, i runga i nga tikanga me nga ritenga a mo nga moni reti ano hold e maharatia ana e ia e tika ana. Ko nga hua o aua riihi o aua raihana ranei me whakapani page 3raro i te whakahau a te Minita mo runga i nga tikanga o te tino Ture. |
10. | Nga whenua Maori katoa me era atu whenua ranei i tangohia i raro i te Ture mo nga Mahi Nunui, 1908, i te Ture mo nga Mahi Nunui, 1905, ranei, i te Ture mo nga Mahi Nunui, 1894, ranei, mo nga tikanga purotu, i mua atu i te paahitanga o tenei Ture, ka kiia i tangohia whaimanatia. |
11. |
(1.) | Ka whai mana te Kawana, i runga i te whakaae tahi a nga taha katoa, i ia wa e maharatia ana e ia e tika ana mo runga i nga tikanga purotu ki te karaati atu i te mana fee-simple o tetahi wahi whenua Karauna hei whakawhiti atu mo te mana fee-simple o tetahi atu whenua e maharatia atu ana e ia e ahua rite ana te wariu, a i ia whakawhitinga pera ka ahei hoki ia ki te utu atu kia utua mai ranei ki a ia hei whakarite tuturu i te wariu o taua whakawhiti i tetahi moni kaua e neke atu i te tekau paiheneti o te wariu e whakaarohia ana o te whenua Karauna i karaatitia peratia atu. |
(2.) | Ka ahei he whakawhiti pera kia mahia i raro i nga tikanga o tekiona tahi rau wha tekau ma rua o te Ture Whenua, 1908, i raro ranei i tekiona toru rau waru tekau tae atu ki toru rau waru tekau ma ono o te Ture Whenua Maori, 1909, ano i tupono ki tewhea o raua. |
|
12. | Ka ahei te Kawana i runga i te Panui ki te whakaatu tera tetahi whenua i rahuitia i raro i te Ture Whenua, 1908, i raro ranei i tetahi atu Ture Whenua o mua atu, i raro ranei i te Ture mo nga Mahi Nunui, 1908, i tetahi atu Ture ranei mo nga Mahi Nunui, o mua atu i tera, mo nga tikanga purotu, kua waiho hei rahui i raro i te tino Ture. |