Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Acts Affecting Native Lands, Etc. (In English and Maori), Passed by the General Assembly, Session 1906.

Niu Tireni. Ture Whakatikatika I Te Ture Mo Horowhenua Poraka

Previous Section | Table of Contents | Up | Next Section

[ko te tohutoro i roto i te reo Pākehā]

page 1

Niu Tireni. Ture Whakatikatika I Te Ture Mo Horowhenua Poraka.

1906, No. 1.
He Ture hei whakatikatika i "Te Ture mo Horowhenua Poraka, 1896."

[26 o Hepetema, 1906.]

Notemea he whenua Maori nga whenua e whakaaturia nei e te Kupu Apiti Tuatahi me te Kupu Apiti Tuarua ki tenei Ture:

Na reira kua meinga hei Ture e te Runanga Nui o Niu Tireni e uoho huihui ana i roto i te Paremete, a i runga ano i tona mana, ara:—
1.Te Ingoa Poto o tenei Ture ko "Te Ture Whakatikatika i te Ture mo Horowhenua Poraka, 1906."
2. Ko wahanga-tekiona (b): o tekiona waru o te Kupu Apiti Tuatoru o "Te Ture mo Horowhenua Poraka, 1896," kua whaka-korea e tenei Ture, a kua hoatu ko tenei e whai ake nei hei whaka-kapi:—
(b.)
(i.) Hei whakatutuki i te kupu tohutohu a te Roiara Komihana i whakaturia nei hei ripoata mo nga mea e pa ana ki Horowhenua Poraka (Pukapuka Paremete G.-2 o te tau kotahi mano e waru rau e iwa tekau ma ono), ko te whenua e whakaaturia nei e te Kupu Apiti Tuatahi ki tenei Ture, e tata ana ki te waru nga eka, kua whakataua e tenei Ture ki a Mary Allan McDonald, pouaru a Hector McDonald, kua mate, hei whenua tuturu mona i runga i te fee-simple.
(ii.) Kua whakamanaia a kua whakahaua te Kairehita Takiwa Whenua mo te Takiwa o Werengitana ki te whakaputa, i runga i te utu kore, ki taua Mary Allan McDonald, ina takoto tetahi mapi whai mana o taua whenua, i tetahi tiwhikete taitara mo taua whenua.
(iii.) Kua whakamanaia a kua whakahaua te Kooti Whenua Maori ki te kimi a ki te whakatau i nga Maori e tika ana kia whiwhi i te whenua e whakaaturia nei e te Kupu Apiti Tuarua ki tenei Ture, e tata ana ki te kotahi page 2rau e toru tekau ma rua nga eka o taua whenua, a ki te whakatau i nga hea o ia o aua Maori, a ki te whakaputa i tetahi ota hei whakapera.
(iv.) Ina tae atu taua ota ki a ia, kua whakamanaia kua whakahaua taua Kai-rehita Takiwa Whenua ki te whakaputa i tetahi tiwhikete taitara hei whakatutuki i taua ota.

Nga Kupu Apiti

Kupu Apiti Tuatahi.

Katoa tera wahi o Horowhenua Poraka e takoto nei i roto i Poraka IV, Takiwa Ruri o Moutere, me Poraka II, Takiwa Ruri o Waitohu, e mohiotia nei ko te kainga o McDonald. Nga rohe: Ki te raki-whaka-te-rawhiti ko Hokio Awa; ki te rawhiti ko tetahi wahi o Horowhenua Poraka; ki te tonga he rori; a ki te rato ko tetahi wahi o Horowhenua Poraka, ka tae ki te timatanga: e whakaaturia nei taua whenua e te mapi o -Horowhenua Poraka kei roto i te Tari Ruri Takiwa o Werengitana.

Kupu Apiti Tuarua.

Katoa tera wahi o Horowhenua Poraka e takoto nei i roto i Poraka IV, Takiwa Ruri o Moutere, me Poraka II, Takiwa Ruri o Waitohu. Nga rohe: Ki te raki ko Hokio Awa a tae noa ki te taiapa a McDonald; ka rere i taua taiapa ka tae ki te rori; ka rere i taua rori whaka-te-rawhiti ki te taiapa a McDonald ki Hokio Awa; ka rere i taua awa ka whiti i te rori ka tae ki Ruamatangi Poraka; ka rere i Ruamatangi Poraka ka tae ki Horowhenua Nama 9 Poraka; ki te tonga ko taua Horowhenua Nama 9 Poraka; a ki te rato ko Wahanga 41 o Horowhenua Nama 11b Poraka ka tae ki te timatanga: e whakaaturia nei taua whenua e te mapi o Horowhenua Poraka kei roto i te Tari Ruri Takiwa o Werengitana.

Previous Section | Table of Contents | Up | Next Section