Niu Tireni.
Te Ture Whakatikatika Taone Maori, 1903.
He Ture hei whakatikatika i "Te Ture Taone Maori, 1895."
Kua Meinga Hei Ture e te Runanga Nui o Niu Tireni e noho huihui ana i roto i te Paremete, i runga ano i tona mana, ara:—
1. | Te Ingoa Poto o tenei Ture ko "Te Ture Whakatikatika Toane Maori, 1903"; a ko ia tonu tetahi wahi a me korero tahi raua ko "Te Ture Taone Maori, 1895" (e huaina i roto nei ko "te tino Ture"). |
2. |
Ahakoa nga kupu o te tino Ture, ka ahei te Kawana i tana wa i pai ai, i runga i te tohutohu me te ripoata a te Minita mo nga Mea Maori, ki te whakatikatika ki te whakarereke ranei i te mapi o tetahi Taone Maori kua whakatakotoria ki te tari (ahakoa no mua no muri ranei i te paahitanga o tenei Ture i whakatakotoria ai taua mapi) a ka ahei hoki ia, i runga i te panui i perehitia ki roto ki te Gazette me te Kahiti, ki te whakamana kia ahei ai te whakarereke nga tikanga i whakataua ai tetahi whenua ki te Kingi i raro i nga tikanga o te tekiona tekau ma rua o te tino Ture, ara kia ekengia e tetahi atu e etahi atu ranei e aua tikanga ra ano: Engari ia ko taua panui kaua e hanga kia pa ki tetahi rota kua whakataua ki te Kingi i runga i te tikanga tiaki mo nga Maori no ratou te whenua, e whakahuatia nei i te wahanga-tekiona wha o taua tekiona, mehemea ra ia kua riihitia taua rota kua riro ranei i runga i tetahi atu tikanga. |
3. | Ko ia panui pera i perehitia ki roto ki te Gazette ka ahei te rehita ki roto ki te Pukapuka Rehita o te Takiwa Whenua, a ina rehitatia taua mea me whakatutuki nga tikanga o roto e te Kai-rehita Takiwa Whenua. |