Mr. Tomoana.
Whakatikatika i te Ture Whakatu Mema Maori 1867 Whakawhaititanga.
[Maori Representation Act 1867 Amendment.]
He Pire Ko Te Ingoa.
He Ture hei whakakatika i "Te Ture whakatu Mema Maori, 1867," me etahi atu Ture e whakatika ana i reira, a hei mahi ano kia pai atu he ritenga mo te whakatu Mema mo te iwi Maori e noho ana i Niu Tireni.
Notemea e tika ana kia mahia ano kia pat atu he ritenga mo te whakatu mema mo nga Maori ki roto ki te Whare Runanga Nui:—
No reira kia meingatia hei Ture e te Runanga Nui o Niu Tironi, i raro ano i tona mana, nga tikanga e mau ake net:—
1. | Te Ingoa Poto o tenei Ture ko te "Ture Whakatikatika 1879 o te Ture Whaka Mema Maori, 1867." |
2. | Ahakoa nga kupu o roto o taua "Ture Whakatu Mema Maori, 1867," tetahi Ture etahi Ture ranei e whakatikatika ana i taua Ture, ko nga mema e whakaturia mai ana mo nga Maori ki roto ki te Whare Runanga Nui a te mutunga o tenei huinga Paremete, kia kaua e wha engari kia whitu. |
3. | Kia tika i ta te Ture ma te Kawana i roto i te Kaunihera e roherohe hou te Korohi kia whitu nga takiwa, a kia Kotahi mema mo ia takiwa e whakatu mai mo roto i te whare Runanga Kui.page 2 |
4. | Na i runga ano i taua Ota o te Kaunihera ma te Kawana ano e whakarite e whakatuturu nga takiwa e wha o roto i aua takiwa e whitu kua kiia ake nei, hei taunga mo ia mema, mo ia mema o te tokowha kua pootitia mai nei i raro i taua "Ture Whakatu Mema Maori, 1867," i tetahi i etahi Ture ranei whakatikatika i tera; engari kia mau tonu aua mema tokowha i runga i nga Ture e tu nei mo tenei Paremete. |
5. | I runga i te whakatakoto i aua takiwa e whitu, me ata whaka-aro nga rohe o ia iwi me nga paanga atu o tetahi iwi Maori ki tetahi, kia taea ai i runga i te whakahaere te whakanoho ki roto ki te takiwa kotahi era iwi e kotahi tonu ana te kawai tipuna, etahi atu piringa ranei kua tuturu i mua atu i te whakakoronitanga tenei motu. |
6. | Ko nga mana me nga whakahaere e tukua atu ana i konei ki te Kawana i roto i te kaunihera kia whakahaerea e taea ai te whakatu mai nga mema hou e toru kia noho ai i tera tunga o te whare Runanga nui o te Paremete o Niu Tireni. |
7. | Me panui tahi tenei Ture me haere i runga i nga ritenga o taua "Ture Whakatu Mema Maori, 1867," me ia ture whakatikatika i tera, engari ko era tikanga o roto i taua "Ture Mema Maori, 1867," etahi atu ture ranei whakatikatika i reira, ki te kino ki nga tikanga o roto i tenei Ture heoi me whakakore era tu tikanga i roto i tenei Ture. |