Hon. Te Hooro.
Ture Whakatu Mema Maori.
He Pire E Huaina Ana
He Ture hei whakarite mo te whakatu Mema mo te iwi Maori i roto i te Runanga Nui.
Na Ka Meingatia hei Ture e te Runanga Nui o Niu Tireni e noho huihui ana i roto i te Paremete, i runga hoki i te mana o taua Runanga, nga whakaritenga ka whakaaturia i raro iho nei:—
1. | Ko te Ingoa Poto mo tenei Ture ko "Te Ture Whakatu Mema Maori, 1879." | ||||||||||||||||||||||||||||
2. | I roto i te wai-hanga o tenei Ture ko nga tikanga o nga kupu, me nga whakahua i raro iho nei, koi na tonu te whakamaoritanga e mau na mo ia kupu, ina ra, ki te kore e rereke te ahua i etahi mea e takoto ana i roto i nga putake-korero e kino ai ki aua tikanga, ina hoki ra:—
|
||||||||||||||||||||||||||||
3. | Ko ia maori e tae ana ona tau ki te rua-tekau-ma-tahi, a hipa atu, a kaore he hara e mau ana i runga i a ia, kaore ano ranei kia hereheretia mo tetahi whanako kino, mo te hara ki te Karauna, mo tetahi hara nui ke ranei, e tika ana taua maori kia rehitatia hei kai-pooti i nga Mema Maori e tu ana mo te Whare Runanga Nui i roto i te takiwa e noho ana tona pooti. | ||||||||||||||||||||||||||||
4. | Katoa nga Maori kua rehitatia hei kai-pooti, e mana ana ratou ki te tu hei mema i roto i te Runanga Nui mo tetahi wahanga o te Koroni i raro i tenei Ture. | ||||||||||||||||||||||||||||
5. | Ko te tokomaha o nga mema Maori kia whakaturia mo te Koroni katoa, me haere i runga i te nuinga o nga Maori e rehitatia ana hei kai-pooti, penei hoki me te nuinga o nga mema Pakeha i roto te Runanga Nui (haunga nga mema Maori), ara, me haere i runga i te tokomaha o nga kai-pooti mo ratou kua rehitatia nei ki nga rouru o nga takiwa pooti e whiwhi nei ki te mema Pakeha. | ||||||||||||||||||||||||||||
6. | Ma te Kawana e whakatu etahi tangata tika i roto i nga wahi o te Koroni, me te whakarite takiwa, mo ia tangata pera, kia taea ai te hanga tetahi tino rarangi ingoa tika o nga Maori e tika ana ki te pooti. | ||||||||||||||||||||||||||||
7. | Ko te mahi ma ia tangata pera, he hanga i tetahi rarangi ingoa mo te wahi i whakaritea ai e ia, a, ka whakauru ki roto i taua rarangi nga ingoa (i runga i te tikanga o nga reta tua-tahi o nga ingoa) o nga tangata Maori katoa e noho ana i roto i taua wahi, a, i runga i tona mahara e tae ana o ratou tau ki te rua-tekau-ma-tahi, hipa atu ranei, a e tuhi whakaae ana kia whakaurua ki roto ki taua rarangi o ratou ingoa. | ||||||||||||||||||||||||||||
8. | Ki te oti tetahi rarangi pera, ma taua tangata nana i hanga, e tuku ki te Tino Kai-rehita, a ma taua Tino Kai-rehita e huihui nga ingoa katoa o aua rarangi o ia wahi, o ia wahi, ana tae katoa ake ki a ia. | ||||||||||||||||||||||||||||
9. | Hei kona ia titiro ai i te nuinga o nga mema Maori mo te Koroni katoa i runga ano i te ritenga kua whakahuatia i mua ake nei, page 2a, mana hoki, me etahi atu tangata e whakaturia ana e te Kawana neimahi pera, e wawahi te Koroni, kia rite tonu nga takiwa ki te tokomahatanga o nga mema Maori. | ||||||||||||||||||||||||||||
10. | Ko ia takiwa pera ka whakaritea kia ahua rite ai ano te nuinga o nga kai-pooti o ia takiwa, o ia takiwa, a ki te taea, kia pau katoa tetahi iwi kotahi ki roto ki te takiwa kotahi. | ||||||||||||||||||||||||||||
11. | Kia kotahi mema e whakatu mo ia takiwa pera. | ||||||||||||||||||||||||||||
12. | I muri iho i te wehewehenga o nga takiwa o te Koroni, penei me tenei kua whakaritea ake nei, me hanga te Tino Kai-rehita me ona hoa i nga rouru pooti mo ia takiwa, me te whakanohonoho i nga ingoa (i runga i nga reta tua-tani o aua ingoa) o nga Maori katoa e noho ana i roto i aua takiwa, kua uru nei o ratou ingoa ki nga rarangi kua whakahuatia ake nei, a, e tika ana hoki kia whai pooti. | ||||||||||||||||||||||||||||
13. | Me whakatu te Kawana i tetahi tangata tika hei Kai-rehita mo ia takiwa, a i mua ake o ia tangata pera e uru ana ki taua mahi, me oati rawa ia ki te aroaro o tetahi Kai-whakawa, a ma taua Kaiwhakawa e tuku ake tetahi kape o taua oati ki te Minita mo te taha Maori.
Ko te mahi ma ia Kai-rehita, he hanga rouru kia tino oti, kia tika rawa, a he whakanoho ki runga nga ingoa o ia Maori katoa e whakaaetia ana e ia tona tika kia tu hei kai-pooti, i runga hoki i tona tuhi whakaae kia whakaurua tona ingoa ki reira. Engari me kaua e whakanoho he ingoa ki runga ki te rouru o tetahi takiwa, i muri iho i te putanga o tetahi riti (pukapuka karanga pooti) mo tetahi mema kia whakaturia mo taua takiwa, kia mutu rawa te pooti i taua mema, katahi ka tika. |
||||||||||||||||||||||||||||
14. | Ko ngn pootitanga mo nga mema Maori katoa, me whaka-haere i raro i enei tikanga:—
|
||||||||||||||||||||||||||||
15. | Me tuku e te Kawana taua riti kua tuhia peratia ra a runga, me nga pukapuka pooti i roto i te takai hiiri e mau ana ki waho te page 4ingoa o te takiwa pooti, me mau hoki tona ingoa ki runga hei whaka-pono, ka tuku atu ki te kai-tuhi o te Runanga Nui.
Me takoto tonu taua takai i hiiritia ra, kia pahemo rano te tau kotahi, a ma te Kooti rano, ma tetahi atu hui whakawa ranei a te ture e whakatuwhera. Kia pahemo te tau kotahi me tahu taua takai, me tahu takai tonu, me kite hoki te kai-tuhi o te Runanga Nui, me te Komihana kai-titiro. |
||||||||||||||||||||||||||||
16. | Ki te mate tetahi o aua tangata hei mema i te mea kua pahemo ake te ra whakahua i nga ingoa, a kaore ano i tae ki te ra pooti kia tino mohio te Apiha whakahaere-pooti ki te pono o te ki kua hemo, me whakakore ano e ia taua pootitanga, me timata katoa ano, penei me te mea i puta mai te riti ki a ia i taua ra i mohio ai ia ki taua hemonga. | ||||||||||||||||||||||||||||
17. | I nga kupu o enei ture e kiia nei me panui etahi mea ki te Kahiti, ko te tikanga o tenei kupu me ta ki te reo Maori, a e kiia nei e enei ture kia tukua he panui he kape ranei o tetahi mea ki te Gazette, ko enei, me ta ki te reo Pakeha. | ||||||||||||||||||||||||||||
18. | Ki te puta ake tetahi atu ahua, kihai ano kia whakaritea i roto i nga tikanga i runga ake nei, me haere te Apiha whakahaere-pooti i runga i nga whakahaere o tenei Ture, ki te kore e taea, me ahua whakarite te whakahaere ki to te Ture o te pooti mema Pakeha mo te Whare Runanga Nui. |
Apiti.
Ahua. A.
Ko ahau ko [A.B.], Apiha whakahaere-pooti Maori mo te takiwa Whaka-te (tetahi ranei o nga Apiha kai-whakahaere-pooti, Apiha Rehita ranei), e whakaae tuturu ana, e oati ana tera au, e mahi pono i nga mahi i whakaritea ma te Apiha whakahaere (tetahi Apiha kai-whakahaere ranei, Apiha Rehita ranei) i runga i te nuinga rawa o taku matau—Ma te Atua au e whakakaha.
Ahua.B.
Wikitoria, i runga i te atawhai o te Atua, Kuini o te Rangatiratanga o Great Brintain me Ireland, me nga Moutere hoki o Niu Tireni me etahi atu wahi. Kia Apiha whakahaere-pooti mo te takiwa Pooti Maori Whaka-te Tena koe.
Notemea e tika ana kia tu he pootitanga mo mema mo te Whare Runanga Nui o Niu Tireni: Na, no reira, ka tono atu, ka ki atu matou ki a koe kia whakahaerea e koe i runga i te pooti a nga kai-pooti kua tika hei pera, i runga hoki i te haere tika, kore aroha, i ta te ture hoki i whakatakoto ai, te pootitanga mo tangata tika i runga i te Ture kia tu hei mema mo taua Whare Runanga Nui, mo te takiwa Pooti Maori Whaka-te a ka whakahau atu ano matou, ka ki atu ano ki a koe kia whakaritea te whakaaringa o taua mema hei te o nga ra o A ko te pootitanga i nga wahi katoa, ana, kitea ana, me pera, hei te o nga ra o
Ina hoki ko tenei, ko ta matou riti mau ano e whakanoho ki runga te ingoa o te tangata kua tu hei mema, a me tuku atu e koe ki te Tino Rehita i te i mua ake ranei.
A he tohu na Tona Rangatiratanga na
Kawana, Tino Kai-whakahaere o
Nui Tireni, i mea ia kia piri ki konei te Hiiri Nui o te Koroni o Niu
Tireni i, Poneke, i te
o nga ra o 18
Kawana.
Ahua.C.
Pukapuka Pooti.
Ko te tangata Maori kei raro nei tona ingoa, e marama ana i kia pooti a te whakatunga o te tangata mo te Takiwa Pooti Maori Whaka-te hei reo mo tatou Whaka-Maori ki roto ki te Runanga Nui o Niu Tireni.
Ko te ingoa iriiri, Maori hoki, o te tangata pooti. | Iwi. | Hapu. | Kainga. |
Christian and Surname of Elector. | Tribe. | Hapu. | Abode. |
Tangata e pootitia ana
Apiha Whakahaere Pooti.