[ko te tohutoro i roto i te reo Pākehā]

Nga Whiu-Hara.

Na, i mua, i peneitia te whiu mo te tangata e mea ana i etahi o nga Hara e rarangitia iho nei ki roto ki te pukapuka tatau Hara Kirimina, ka kawea atu te tangata hara ki tetahi whenua ke. No naia tata ake nei, whakaputaia ketia ana te Tare, whakamutua ana te kawe i te tangata hara ki te whenua ke, meatia ana kia wharehereheretia, kia tino whaka-mahia, kia meatia hoki etahi atu mea hei whakataimaha i te whiu mona. Me i whaia kia tino tika rawa te whakaatuatu i te whiu mo tenei hara, mo tenei hara, kua ata tuhia iho, ko ehea i Whareherehere anake; ko ehea i Whareherehere me te whakamahi hoki; ko ehea i Whareherehere me te apiti mai i era whakataimaha i whakaritea hei whakakapi mo te kawe ki te whenua ke, ka mahue nei. Ko tenei, maharatia ana, kei raruraru pea; waiho ana i runga i te kupu kotahi, i te "Whareherehere" anake.