Other formats

    TEI XML file   ePub eBook file  

Connect

    mail icontwitter iconBlogspot iconrss icon

For Those Killed in Battle: A Lament for Mahoetahi

Kaore taku huhi taku raru
Ki a koutou e pa ma
E haupu mai ra!
Ka huua hoki au ki a Epiha ma
E hui nei ki te runanga
He kawe pai i te tika.
Kaore he mahi nui
I nga maunga a Whiro kua wareware.

Hare ra, e Tima
I te riri kaihoro a Ngati-Haua;
Kaore i whakaaro ko te kupu pai a Haapurona.
Ko te aha e Rau [Raureti], e Rewi, ma korua nei?
Heoi ano ra ma koutou he kawe tangata ki te Po.
Aue i te mamae ra-i!

Anea kau ana te whenua,
Tangi kotokoto ai te tai o Puniu.
E whakahakiri ana nga tohu o te rangi e—e,
Kanapa kau ana te uira
I runga o Tautari, te hiwi ki Rangitoto;
Ko te tohu o te maté ra-i!

page 108

Ka riro Paetai, Mokau, Tainui Te Arawa, Raukawa, Motai-i!
E koa ra e rau tangata ka takoto kau to moni!
Tenei taku poho e tuwhera kau nei
He wai kokiringa mo Kirikumara,
Te tangata whakanoho i te riri—i,
Te kino, e—c—i!